"The power of the dog" filmak lortu du Oscarretarako izendapen gehien
"The power of the dog" Jane Campion zuzendariaren westernak beste edozein filmek baino izendapen gehiago, 12 hautagaitza, jaso ditu Oscar Hollywoodeko Akademiaren sarietarako. Gaur iragarri dute izendatuen zerrenda, martxoaren 27an (28ko goizaldea Euskal Herrian) izango den galara begira jarrita.
Drama honen atzean, "Dune" (10 izendapen), "Belfast" eta "West Side Story" (zazpina) eta "King Richard" (sei) daude film izendatuenen zerrendan.
Film onenaren Oscar sarirako hautagaiak hauek izango dira: "Belfast", "Coda", "Don't look up", "Dune", "King Richard", "Licorice Pizza", "Nightmare Alley", "The power of the dog" eta "West Side Story".
Zerrenda horri, gainera, "Drive my car" japoniarra gehitu behar zaio, "Parasite"k 2020an egin zuen legez, film orokor onenaren eta atzerriko film onenaren sailetan lehiatuko dena.
Atzerriko film onenaren sailean izendatuta dauden gainerako pelikulak dira "Flee" (Danimarka), "È stata la mano di Dio" Paolo Sorrentinoren filma (Italia), "Lunana: A Yak in the Classroom" (Bhutan) eta "The Worst Person in the World" (Norvegia).
Aktore eta zuzendariak
Zuzendari onenaren atalean, lehiakideak iango dira Jane Campion ("The power of the dog"), Ryûsuke Hamaguchi ("Drive My Car"), Kenneth Branagh ("Belfast"), Paul Thomas Anderson ("Licorice Pizza") eta Steven Spielberg ("West Side Story").
Emakumezko aktore onenaren sarirako hautagaiak izango dira Penélope Cruz ("Madres paralelas"), Jessica Chastain ("The eyes of Tammy Faye"), Olivia Colman ("The lost daughter"), Kristen Stewart ("Spencer") eta Nicole Kidman ("Being the Ricardos").
Gizonezkoen atalean, berriz, hauek dira izendatuak: Javier Bardem ("Being the Ricardos"), Benedict Cumberbatch ("The power of the dog"), Andrew Garfield ("Tick, Tick… Boom!"), Will Smith ("King Richard") eta Denzel Washington ("The tragedy of Macbeth").
Bigarren mailako aktoreei dagokienez, emakumezkoen sailean Judi Dench ("Belfast"), Jessie Buckley ("The lost daughter"), Ariana DeBose ("West Side Story"), Kristen Dunst ("The power of the dog") eta Aunjunue Ellis ("King Richard") dira izendatutakoak. Gizonezkoen atalean, berriz, Ciarán Hinds ("Belfast"), Troy Kotsur ("Coda"), J.K. Simmons ("Being the Ricardos") eta Jesse Plemons eta Kodi Smit-McPhee (biok ere "The power of the dog").
Zure interesekoa izan daiteke
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.