Glenn Close izango da Zinemaldiko Epaimahai Ofizialeko burua

Glenn Close aktorea izango da Donostiako Zinemaldiaren 70. edizioko epaimahai ofizialeko burua. Estatubatuar aktoreaz gain, gainera, Juliette Binoche eta David Cronenberg Donostia Saria jasoko duten izarrak ere Donostian izango dira, baita Penelope Cruz (En los márgenes), Ricardo Darin (Argentina, 1985), Kazuo Ishiguro (Living), Vicky Krieps (Corsage), Diane Kruger eta Liam Neeson (Marlowe), Noemie Merlant eta Nahuel Perez Biscayart (Un año, una noche), Hanna Schygulla (Peter Von Kant) eta Olivia Wilde (Don't Worry Darling).

Closerekin batera, Antoinette Boulat casting zuzendari eta zinemagilea (Frantzia), Tea Lindeburg errealizadore eta gidoilaria (Danimarka), Matias Mosteirin ekoizlea (Argentina), Rosa Montero idazle eta kazetaria (Espainia), Lemohang Jeremiah Mosese zinemagile eta artista bisuala (Lesoto) eta Hlynur Palmason zuzendari eta gidoilaria (Islandia) izango dira.

Halaber, filmak aurkeztera etorriko dira Sebastian Lelio (The Wonder), Ulrich Seidl Georg Friedrich aktorearekin (Sparta), Hong Sangsoo (Walk Up), Wang Chao (A Woman) eta Christophe Honore (Le Lycéen) –Vincent Lacoste eta Paul Kircher aktoreekin batera–, Neil Jordan, Claire Denis (Avec amour et acharnement), Louis Garrel (L'innocent) zuzendari, aktore eta gidoilaria, François Ozon (Peter von Kant) eta Thomas Salvador (La montagne). Alfonbra gorrian azalduko dira, halaber, Cristian Mungiu (R.M.N) eta Dardenne anaiak (Tori et Lokita).

Asiako zinema ordezkatuko dute Wang Chaok eta Hong Sangsook (Song Sunmi, Cho Yunhee eta Kwon Haehyo antzezleak lagun dituela) ez ezik, Hirokazu Koreedak, Erik Shiraik (Nowhere to go but everywhere) eta Takayuki Fukatak (Naname no rouka / Itchan and Satchan).

Latinoamerikatik iritsiko dira Santiago Mitre (Argentina, 1985), Diego Lerman (El suplente) -Juan Minujín eta Alfredo Castrorekin batera-, Laura Mora (Los reyes del mundo), Manuel Abramovich (Pornomelancolía), Santiago Loza (Amigas en un camino de campo), Natalia Beristain (Ruido), Andrés Di Tella (Diarios), Diego Céspedes (Las criaturas que se derriten bajo el sol / Les créatures qui fondent au soleil), Patricio Guzmán (Mi país imaginario), Manuela Martelli (1976), Carolina Markowicz (Carvão), Laura Baumeister (La hija de todas las rabias), Natalia Lopez Gallardo (Manto de gemas), Juan Pablo Gonzalez – Teresa Sanchez (Dos estaciones) aktorearekin batera–, Valentina Maurel (Tengo sueños eléctricos) eta Ana Cristina Barragán (La piel pulpo).

Espainiako Estatuko ordezkariei dagokienez, Alberto Rodriguez, Javier Gutierrez, Vicky Luengo, Jaime Rosales, Anna Castillo, Pilar Palomero, Fernando Franco, Emma Suarez, Isabel Coixet, Rodrigo Sorogoyen, Raul Arevalo, Isa Campo, Isaki Lacuesta, Juan Diego Botto, Fernando Leon de Aranoa, Antonio de la Torre, Ariadna Gil, Luis Tosar, Barbara Lennie, Natalia de Molina, Carmen Maura, Susi Sanchez, Carla Simon, Albert Serra, eta Eduard Fernandez bertaratuko dira, besteak beste.

Programazioa eta sarrerak

Programazioa astelehenean (hilak 5) argitaratuko du Zinemaldiak, eta, igandean (hilak 11), 09:00etan, jarriko dituzte salgai sarrerak, Zinemaldi Plazako online sistemaren eta leihatilen bidez, Kursaaleko beheko solairuan.

Iaz bezala, hilaren 11n (igandea) Zinemaldiaren lehen hiru egunetarako (ostirala 16, larunbata 17 eta igandea 18) sarrerak erosi ahalko dira; hilaren 12an, berriz, astelehen (irailaren 19a), astearte (irailaren 20a) eta asteazkenerako (hilaren 21a) sarrerak, eta horrela amaitu arte.

Sintonia berria

Aranzazu Calleja eta Maite Arroitajauregi konpositoreek sortutako Zinemaldiaren sintonia berria ere aurkeztu da 70. edizioko prentsaurrekoan.