Laura Mora, Hong Sang-soo eta Sebastian Lelio, Zinemaldiko Sail Ofizialeko lehen izenen artean
Manuel Abramovich, Christophe Honore, Sebastian Lelio, Diego Lerman, Marco Martins, Laura Mora, Frelle Petersen, Hong Sang-soo, Ulrich Seidl eta Petr Václav zinemagileen azken lanak Zinemaldiaren 70. edizioko Sail Ofizialean lehiatuko dira irailaren 16tik 24ra. Gainera, Genki Kawamuraren eta Marian Mathiasen lehen filmak ere izango dira atal horretan.
Hala, film horiek guztiak batu zaizkie Zinemaldian Espainiako Estatuko filmak aurkezteko ekitaldian iragarritako filmei; hots, Suro Mikel Gurrea donostiarraren lehen film luzea; La consagración de la primavera (Fernando Franco) Telmo Irureta zumaiarra protagonista duen lana; La maternal (Pilar Palomera) eta Girasoles silvestres (Jaime Rosales).
Manuel Abramovich (Buenos Aires, 1987) zinemagile argentinarra bere laugarren film luzearekin lehiatuko da: Pornomelancolía / Pornomelancholia, sex influencer baten erretratua.
Christophe Honore (Carhaix-Plouguer, 1970) zuzendari frantziarra, Sail Ofizialean La belle personne / The Beautiful Person (2008) eta Non ma fille, tu n'iras pas danser / Making Plans for Lena (2009) erakutsi zituena, berriro lehiatuko da Le Lycéen / Winter Boy aita hil ondoren krisian sartuko den nerabe bati buruzko filmarekin. Aktoreen artean Paul Kircher, Vincent Lacoste eta Juliette Binoche daude.
Genki Kawamurak (Yokohama, 1979) alzheimerra duen emakume baten istorioa kontatzen digu Hyakka / A Hundred Flowers filmaren bidez.
Sebastian Lelio argentinarra (Mendoza, 1974), Gloria (2013) eta Una mujer fantástica / A Fantastic Woman (2017) filmen egilea, Sail Ofizialean estreinatuko da The Wonder lanarekin, XIX. mendearen erdialdean girotuta dagoen obrarekin: Irlandako herri batean, neskato batek hainbat hilabetean iraun du bizirik ezer jan gabe.
Diego Lerman argentinarra (Buenos Aires, 1976) berriz lehiatuko da Zinemaldian, oraingoan, El suplente / The Substitute filmarekin; Buenos Airesko aldirietako irakasle baten jazoerak biltzen ditu egilearen lan berriak.
Marian Mathias (Chicago, 1988) estatubatuarrak bere lehen film luzea aurkeztuko du; Runner filmak AEBetako midwesteko bi gazteren arteko topaketa du kontagai.
Marco Martinsek (Lisboa, 1972), bestalde, immigrazioaren drama jorratzen du Great Yarmouth-Provisional Figures pelikulan.
Laura Mora (Medellin, 1981) kolonbiarra bere bigarren film luzearekin itzuliko da Zinemaldira. Los reyes del mundo / The Kings of the World lana hiriko bost kale-mutil protagonista dituen ipuin subertsibo eta fantastikoa da.
Frelle Petersen (Aabenraa, 1980) zuzendari danimarkarra Resten af livet / Forever lanarekin lehiatuko da Zinemaldian: senar-emazte batzuek eta beraien alabak doluari aurre egin beharko diote.
Hong Sang-soo (Seul, 1960) 2016an Dangsinjasingwa dangsinui geot / Yourself and Yours (2016) filmarekin zuzendari onenaren Urrezko Maskorra irabazi eta gero, Top / Walk Up filmarekin lehiatuko da aurten.
Bukatzeko, Ulrich Seidl austriarrak (Viena, 1952) Sparta filma jarriko du sarietarako bidean, eta Petr Vaclav (Praga, 1967) txekiarrak Il Boemo ekarriko du, Josef Myslivecek ardatz duen drama biografikoa, 1770eko hamarkadako opera italiarreko konpositore emankorrenetakoa izan zen musikagilea.
Gainera, lehiaketatik kanpo, La (très) grande évasion / Tax Me If You Can filmaren emanaldi berezia eskainiko da. Ekoizpen frantziar horretan, Yannick Kergoatek (Le Raincy, 1962) ihes fiskalaren zirkuituak arakatzen ditu, eskala handiko iruzurraren mekanismoak argitzeaz gain.
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.