'Anatomie d'une chute' filmak irabazi du Cannesko zinema jaialdiaren sari nagusia
Justine Triet zinemagile frantziarrak zuzendutako 'Anatomie d'une chute' (Erori baten anatomia) filmak irabazi du aurten Cannesko zinema jaialdiaren sari nagusia. Ildo horretatik, Frantziako hitzordu zinematografiko garrantzitsu honen sari nagusia eskuratu duen hirugarren emakumea da Triet.
Zuzendari onenarentzako saria, berriz, Tran Anh Hung zinemagile frantses-vietnamdarrarak lortu du, Juliette Binoche eta Benoit Magimel protagonista dituen 'La Passion de Dodin Bouffant' filmagatik. Halaber, gidoirik onenaren saria Yuji Sakamoto japoniarrak eskuratu du, haurtzaroa eta homosexualitatea jorratzen dituen 'Kaibutsu' (Monster) filmagatik.
Faboritoen zerrendan agertzen zen beste film batek, alegia, Jonathan Glazer britainiarraren 'The Zone of Interest' lanak, eskuratu du hitzordu honetako beste sari nagusietako bat, epaimahaiaren sari nagusia, hain zuzen ere. Interpretazio sariei dagokienez, Merve Dizdar aktore turkiarra (Nuri Bilge Ceylanen 'Kuru Otlar Ustune' filman egindako lanagatik) eta Koji Yakusho antzezle japoniarra (Wim Wendersen 'Perfect Day' filman egindako interpretazioagatik) izan dira irabazleak. Film luzeen palmaresa, Aki Kaurismaki finlandiarraren 'Les feuilles mortes' filmak osatzen du, epaimahaiaren saria irabazi baitu.
Film laburrei dagokienez, Flora Anna Buda hungariarraren '27' lanak irabazi du sari nagusia, eta Gunnur Martinsdottir Schluter islandiarraren 'Far' lanak aipamen berezia jaso du. Horrela, Espainiatik ('Aunque es de noche'), Kolonbiatik ('La perra') eta Argentinatik ('Nada de todo esto') iritsitako proposamenek ez dute saririk lortu Cannesko zinema jaialdiaren 76. edizio honetan.
Esan bezala, Justine Triet zinemagile frantsesak Cannesko zinema jaialdiaren sari nagusia irabazi duen hirugarren emakumea da. Aurretik, Jane Campion ('The piano', 1993an) eta Julia Ducournau ('Titane', 2021ean) izan ziren Urrezko Maskorra eskuratu zuten emakume bakarrak. Edizio honetan, Ruben Ostlund suediarra izan da epaimahaiko burua, besteak beste, Damian Szifron zuzendari argentinarra epaimahaikide zuela.
Zure interesekoa izan daiteke
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.