Pedro Olea zuzendaria eta Javier Botet aktorea sarituko ditu Fant zinemaldiaren aurtengo edizioak
Fant Bilboko Zinemaldi Fantastikoak Pedro Olea zine zuzendari bilbotarra eta Javier Botet aktorea sarituko ditu maiatzaren 3tik 11ra ospatuko den 30. edizioan.
Pedro Oleak (Bilbo, 1938) ibilbide luze eta oparoa du zinemagintzan eta bere sorkuntzen artean aipagarriak dira, besteak beste, No es bueno que el hombre esté solo (1973), La casa sin fronteras (1972) eta El bosque del lobo (1970). Horregatik, zine zuzendari bilbotarrari emango dio aurtengo FANTastikoaren Izarra saria.
Gainera, Javier Botet aktoreak Fant zinemaldiaren ohorezko saria jasoko du. Ibilbide luzeko aktorea ezaguna, besteak beste, REC (2007), La cumbre escarlata (2015), El renacido (2015), Expediente Warren: el caso Enfield (2016), Alien: Covenant (2017), El guardián invisible (2017), La momia (2017), IT (2017) eta Insidious: la última llave (2018) filmetan egindako lanagatik.
Aurten, lehen aldiz, Fant Bilboko Zinemaldi Fantastikoak Gazte Epaimahaia izango du eta, Euskal Herriko Zinema Eskolaren lankidetzarekin, Sail Ofizialeko Film Luze Onenaren sarietako bat emango du.
Halaber, Fanteko Sail Ofizialeko epaimahaia Ana Hormaetxea gidoilariak, Chris Oosterom Amsterdamgo Imagine Fantastic Film Festivaleko zuzendariak eta Araceli Peres-Rastrilla, ekoizleak eta Espainiako Zinema Akademiako kidea ere badenak osatuko dute.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.