David Perez Sañudok Sacamantecas arabar hiltzaileari buruz zuzenduko duen pelikula filmatzen hasi dira
Sacamantecas, XIX. mendean sei emakume hil arabar hiltzaileari buruzko pelikula, filmatzen hasi dira Gasteizen, "euskaraz nagusiki", eta Patricia Lopez Arnaiz eta Antonio de la Torre aktoreak taldearen buru direla.
David Perez Sañudo gasteiztar zinemagileak (Ane, Azken erromantikoak) zuzendu du filma, eta, Juan Diez de Garayo Sacamantecasen hilketak kontatzeaz gain, "emakumeen kontrako indarkeriak markatu zuen garai baten kronika egingo du, pertsonaien bidez".
Sacamantecasek (Egilatz, 1821 – Gasteiz, 1881) 13 eta 55 urte arteko sei emakume bortxatu eta hil zituen.
Perez Sañudok eta Sergio Granadak idatzi dute EITBren parte hartzea duen filma, Asier Guerricaechevarriaren eta Joan Urkixoren jatorrizko istorio batean oinarrituta, eta hiru pertsonaiaren istorioa du kontagai: "hiltzailea, justizia bila ari dena eta, azkenean, egia aurkitzen duena".
Patricia Lopez Arnaiz eta Antonio de la Torre protagonistek Eneko Sagardoy, Josean Bengoetxea, Luis Callejo, Urko Olazabal, Haizea Carneros, Isabel Gaudí eta Fernando Albizu izango dituzte ondoan, besteak beste.
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.