'Hallow road' filmaren proiekzioarekin emango diote hasiera ostiral honetan FANT Bilbao jaialdiari
Bilboko Udalak antolatzen duen FANT jaialdiak ostiral honetan emango dio hasiera bere ibilbide zinematografikoari, Hallow road filmaren proiekzioarekin. Thriller psikologiko hau Bizkaiko hiriburura iritsiko da Europako estreinaldi gisa, Austingo (Texas, AEB) SXSW jaialditik igaro ondoren. Rosamund Pike eta Matthew Rhys dira lan horretako protagonistak, besteak beste.
Eva Llorach aktoreak eta Daniel Monzon zuzendariak Ohorezko FANT sariak jasoko dituzte gaur arratsaldean.
Zinemaldian ikuspen ofiziala egin aurretik, Hallow Road komunikabideen aurrean aurkeztu dute, Gonzalo Olabarria Kultura eta Gobernantza zinegotziak, Amaia Domingo FANTeko zuzendariak eta Babak Anvari filmaren zuzendariak parte hartu duten prentsaurrekoan.
Gonzalo Olabarriak eta Amaia Domingok eskerrak eman dizkiote Irango zuzendari, gidoilari eta ekoizle ospetsuari, aurkezpenean parte hartzeagatik. Bere proiektuek hainbat izendapen jaso dituzte BAFTA sarietarako, eta British Independent Film Awards (BIFA) sarietako bi irabazi zituen Under the Shadow filmarengatik, Sitgeseko Zinemaldian ere saritua izan zena, besteak beste.
Ohorezko FANT sariak jasoko dituzten Eva Llorach aktorea eta Daniel Monzon zuzendaria ere komunikabideen aurrean agertu dira, Saturnino Garcia aktorearekin batera.
Amaia Domingok gogoratu du Llorachek jaialdian parte hartzen duela Sail Ofizialeko lehiaketan proiektatuko dituzten bi lanen bidez, El instinto Juan Albarracinek zuzendutako filmarekin eta Ángulo muerto Cristian Betetaren film laburrarekin.
Daniel Monzon zuzendariak ere Ohorezko FANT saria jasoko du gaur arratsaldean irekiera ekitaldian. Bere debuta 1999an izan zen, El corazón del guerrero filmarekin, eta horixe bera proiektatuko dute larunbat honetan, 12:00etan, Azkuna Zentroko auditorioan.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.