‘Zeru Ahoak’, Almandozen azken lanaren lehen irudiak aurkeztu dituzte
“Zeru Ahoak”, Koldo Almandoz zinemagile donostiarrak idatzi eta zuzendutako azken serie laburraren kartel ofiziala aurkeztu dute gaur. Sebas Gomez diseinatzailearen eta Aritz Trueba ilustratzailearen lana da, eta seriearen esentzia atzematea bilatzen du: krimenean eta ustelkerian barrena, inoiz ikusi ez den Bilbo erakustea, alegia.
Txintxua Films eta Garabi Filmsek ekoitzi dute noir seriea, besteak bestea, EITBren partadaidetzarekin. Nagore Aranburu aktore azpieitiarra da protagonista, eta harekin batera, Josean Bengoetxeak, Ramon Agirrek, Sara Cozarrk eta Nerea Sanzek osatuko dute lantalde nagusia. Talde teknikoan, berriz, Aitor Etxebarria soinu-bandaren musikagilea, Harkaitz Cano gidoilaria edota Txarli Argiñano argazki-zuzendaria ageri dira.
Koldo Almandozek (Donostia, 1973), 30 urteko ibilbide oparoa egin du zineman, eta berriro erakutsi du bide berrietarako joera eta estilo propioa. Bere bigarren film luzeak, Oreinak (New Directors, 2018), Euskal Zinemaren Irizar Saria jaso zuen, eta bere lehenengo lana, Sipo Phantasma (2016), Zabaltegi-Tabakaleran hautatu zuten Rotterdamen egon ondoren. 2020an zuzendu zuen "Hondar Ahoak" arrakastatsuaren bidetik iritsi da "Zeru Ahoak".
Marian Fernandez Pascal (Iruñea, 1974) zinemagile ezaguna da azken lan hau ekoizteaz arduratu dena.
SINOPSIA
Nerea Garcia bolada txarra pasatzen ari da eta ez da bere Bilboko etxetik apenas ateratzen. Lau urte igaro dira Ertzaintzatik kanporatu zutenetik. Erritualen batean hildako emakume baten gorpua agertzen denean, bere nagusi ohiak ikerketarekin laguntzeko eskatu dio. Nereak susmatzen ez duena da, iraganeko eta orainaldiko mamuek hiriko estoldetara jaistera behartuko dutela, non ezer eta inor ez diren diruditenak.
Nagore Aranburuk beste behin gorpuztuko du "Hondar Ahoak" miniseriean ezagutu genuen Nerea Garcia pertsonaia.
Albiste gehiago zinema
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.