Europa, Asia eta Costa Ricako zinemagile hasiberriek osatzen dute New Directors saila
Jonatan Etzler suediarrak, Yukari Sakamoto japoniarrak eta Seyhmus Altun kurduak, besteak beste, bat egingo dute Irati Gorostidi Agirretxe nafarraren eta Jose Alayon kanariarraren proposamenekin.
'Bad Apples'-en fotograma.
Europatik (Erresuma Batua, Danimarka eta Suedia), Asiatik (Txina, India, Japonia, Taiwan, Kurdistan turkiarra eta Errusia asiarra) eta Costa Ricatik etorritako hamalau zinemagilek beren lehen edo bigarren film luzeak ekarriko dituzte Zinemaldira eta, iragarritakoekin batera, Donostiako Zinemaldiko New Directors sailean lehiatuko dira.
Jonatan Etzler suediarrak Bad Apples ekarriko du, Saoirse Ronan protagonista duen satira garratza. Kutxabank-New Directors saria irabazi nahi duten zuzendari berrien atala inauguratuko du. Ekoizpen britainiar honek 11 urteko ikasle gatazkatsu bati aurre egin behar dion irakasle baten istorioa kontatzen du.
Yukari Sakamoto japoniarrak bere lehen luzea estreinatuko du: Shiro no Kajitsu / White Flowers and Fruits. Neskentzako barnetegi kristau batean gertatzen da; bertan, ikasle karismatiko baten suizidioak gainerakoak astinduko ditu, bereziki, mamuak ikusteko ahalmena duen barneko ikasle berrietako bat.
Seyhmus Altun zuzendari kurduaren lehen lanak, Aldde, Nefes / As We Breathe, sute suntsitzaile baten ondorioz Anatoliako landa-herri bateko familia batek jasaten dituen aldaketak kontatzen ditu.
Stroma Cairns zinemagile britainiarrak The Son and the Sea filma estreinatuko du. Bi lagunek Eskoziako ipar-ekialdeko kostaldean zehar egindako bidaia batean hitzetatik haragoko lotura bat deskubrituko dutela ikusiko dugu pelikulan.
Tsao Shih-Han zuzendari taiwandarrak bere debuta erakutsiko du Nan Fang Shi Guang/Before the Bright Day film luzean. 1996an kokatua, Taiwango itsasarteko hirugarren krisialdian zehar familiarekin, adiskideekin eta sentimenduekin lotutako tentsioei aurre egin behar dien nerabe baten bizitzari jarraitzen dio filmak.
Beste suediar bat, John Skoog, Kopenhageko Zinema Dokumentalaren Jaialdian saritua, bere lehen fikzioa ekarriko du, Värn / Redoubt, bere etxea balizko gerra batean babesteko gotortzen duen gizon bati buruz.
Emilie Thalund danimarkarrak Vaegtloes / Weightless (Liviana) ekarriko du Donostiara. 15 urteko neska batek kanpamendu batean igaroko du uda, argaltzeko asmoz. Bertan, neska karismatiko eta dibertigarri bat ezagutuko du, uste osoa duena bere buruan, bai eta begirale xarmagarri bat ere, eta erakarpena sentituko du gizonarengandik.
Kim Torres costarricarrak 13 urteko Lauraren urratsak jarraitzen ditu bere lehen film luzean, Si no ardemos, cómo iluminar la noche. Neskatoa bere familia berrian harrapatuta sentitzen da.
Beste haur bat da protagonista Ni De Yan Jing Bi Tai Yang Ming Liang / Nighttime Sounds Zhang Zhongchenen filmean. 8 urteko adingabea bere adin bereko norbaiten mamuarekin gurutzatzen da egun batean.
Tribeny Rai indiarrak Chhora Jastai / Shape of Momo filma estreinatuko du. Protagonista Himalaiako bere herrira itzuliko da, eta familia-presio geroz eta handiagoari aurre egin beharko dio hor, bai eta espektatiba sozialei ere.
Azkenik, Anton Yarush eta Sergey Borovkov errusiarrek Chuzhie Zemli / Foreign Lands filma aurkeztuko dute, zinema zuzendari errusiar baten ihesari buruz.
New Directors sailean dagoeneko iragarrita zeuden Irati Gorostidi Agirretxeren Aro berria eta Jose Alayonen La lucha.
Zure interesekoa izan daiteke
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.