"The voice of Hind Rajab" filmak arnasa eutsika utzi du Zinemaldia
Kaouther Ben Haniak zuzendu duen filmak zinez hunkitu du publikoa. Gazako balen eta bonben artean auto baten barruan harrapatuta zegoen sei urteko neskato batek Ilargi Gorriari egin zion benetako deia da filmaren ardatza.
Bart, asteartearekin, The voice of Hind Rajab Kaouther Ben Haniak zuzendutako filma aurkeztu dute Donostiako Zinemaldian, Perlak sailaren barruan. Zinema jaialdian egingo dituzten bost proiekzioetako lehena izan da.
Hind Rajab neskatoak egin zuen deiaren benetako audioa erabiltzen duen filma Tel Al Hawan dago kokatuta, 2024ko urtarrilaren 29an Israelgo Armadak husteko agindu zuen auzoan. Filmean, fikzioa eta boluntarioek egun horretan grabatu zituzten bideoak tartekatzen dira.
Erreskate lanak egin ahal izateko baimenaren zain zeuden bitartean, boluntarioak Hind Rajabekiko harremana ez galtzen tematu ziren, telefono deia eten ez zedin, eta etengabe eskatu zioten nola zegoen, norekin zegoen eta zer gertatu zen azaltzeko.
Hind Rajabek bila joan dakizkion erregutzen du hainbat aldiz, bakarrik dagoela eta iluntasunaren beldur dela esaten du. Osaba-izebek eta lau lehengusu-lehengusinek lagunduta bera zeraman autoan harrapatuta dagoela azaltzen du, eta, denak hilda zeudela, ingurukoak “lo” daudela eransten du.
Hamabi egunera, Israelgo Armada inguru horretatik atera zen, eta boluntarioak zauritutakoen eta hildakoengana iritsi ahal izan ziren. Hinden gorpua bertan aurkitu zuten, senideen hilotzekin batera, inguruan 355 bala zulo zituen ibilgailuan. Neskatoaren bila joan zen anbulantzia ere inguruan zegoen, 50 metrora, eta barruan zihoazen bi pertsonak ere hilda zeuden.
Hind Rajaben ama agertzen da filmean, bere baimena duen lanean, eta alabak itsasoa maite zuela eta gerra bukatzeko gogoz zela, “orduan berriz hareatan jolastera itzultzeko”.
Veneziako jaialdian estreinatu zuten pelikula, eta ekoizleetako batzuk Brad Pitt, Joaquin Phoenix, Rooney Mara, Jonathan Glazer eta Alfonso Cuarón dira.
Gaur arratsaldeko proiekzioaren ondoren, 18:30ean, Palestinaren aldeko manifestazioa egingo dute Donostian, Okendo plazatik abiatuta.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.