“Llámame Sinsorga” dokumentala azaroaren 28an estreinatuko dute zinemetan

Llámame Sinsorga Irantzu Varela eta Andrea Momoitio protagonista dituen film luze dokumentala azaroaren 28an iritsiko da zinema aretoetara, urri erdialdean Varsoviako zinemaldian erakutsi eta gero.

Marta Gomez eta Paula Iglesiasek zuzendu dute filma, eta Al Borde Films etxeak (Solo son peces, Ximinoa…) ekoitzi du, EITBren parte-hartzearekin.

Irantzu Varela eta Andrea Momoitio kazetariek La Sinsorga emakumeek kudeatutako kulturgunea berreraikitzeko prozesuan nola parte hartu zuten erakusten du lanak. “Bost beharginen lan ikusezina jartzen du obrak lehen planoan —arotzak, interioristak, brikolariak—, oraindik ere gizonak nagusi diren lanbide baten aurreiritziei aurre egiten dietenak”, azaldu dute.