"Seis meses en el edificio rosa con azul" film luzeak irabazi du Sebastiane Latino saria
Euskal Herriko lesbiana, gay, bisexual trans eta intersexualen elkarteak Bruno Santamaría Razo mexikar gidoilari eta zuzendariaren film luzeari eman dio saria.
Seis meses en el edificio rosa con azul
Seis meses en el edificio rosa con azul film luzeak irabazi du Sebastane Latino Gehitu Euskal Herriko lesbiana, gay, bisexual trans eta intersexualen elkarteak “LGBTIAQ+ aldarrikapen eta balioak ondoen ordezkatzen dituen latinoamerikar film luzeari” ematen dion saria.
Epaimahaikideen aburuz, Bruno Santamaría Razok idatzi eta zuzendu duen filmak “coming of age autobiografiko batera gonbidatzen gaitu fikzioan sortu zein lehenalditik berreskuratu dituen oroitzapenen dantza baten bidez, eta iragantzat jotzen ditugun GIBaren estigma guztiak gaur egungo orbain bihurtuta erakusten dizkigu”.
Santamaría Razoren filma beste lau finalistari nagusitu zaie: La virgen silenciosa (Xavi Sala), Nem Toda Historia de Amor Acaba em Morte (Bruno Costa), Bowels of Hell (Gustavo Vinagre eta Gurcius Gewdner) eta A Paixão Segundo G.H.B. (Gustavo Vinagre eta Vinicius Couto). 1990eko hamarkadan dago girotuta, Mexikon, eta bere lagunik onenarenganako desioa pizten ari zaiola konturatzen den 11 urteko mutiko bat du protagonista. Hori gertatzen zaion bitartean, aitari GIB detektatu diotela jakingo du.
Halaber, Sebastiane Latino sariaren iazko pelikula irabazlea, La misteriosa mirada del flamenco Gipuzkoako hainbat udalerritan ikusi ahalko da Donostiako Zinemaldiaren lehen asteburuan.
Horrez gain, jaialdian Sebastiane saria emango diote, hogeita zazpigarrenez, Leire Apellaniz zuzendari eta ekoizleak eta Abril Zamora gidoilariak aukeratzen duten filmari.
Gehituk ematen duen beste sari hori LGBTIQA+ pertsonen errealitate eta balioak ondoen islatzen dituen filmak irabazten du, eta aurten Zinemaldian ikusi ahalko diren 24 film izango dira saria bereganatzeko hautagaiak.
Zure interesekoa izan daiteke
Igande goizean jarriko dituzte salgai Zinemaldiko sarrerak
09:00etan zabalduko da online zein leihatiletan sarrerak erosteko aukera. Sarrerak modu mailakatuan salduko dituzte; horrela, igandean lehen hiru egunetarako sarrerak soilik jarriko dituzte eskuragarri.
Hau da “Azken agurra” filmaren kartela
Koldo Almandozen film berria Donostiako Zinemaldiko Sail Ofizialean estreinatuko dute, lehiatik kanpo. EITBren partea hartzea du Koldo Almandozen hirugarren film luzeak, “dramedia existentzialista” honek.
'Naza', Veneziako Mostra hunkituta utzi duen Gazako sarraskiari buruzko dokumentala
Gazako sarraskia salatzen duen dokumentalak ikus-entzuleak hunkituta utzi ditu ostegun honetan Veneziako Nazioarteko Zinemaldian. Yuval Abraham eta Rachel Szor israeldarrek zuzendutako filmak agente israeldarren testigantzak biltzen ditu, Palestina suntsitzeko eta palestinarrak erailtzeko jarraitutako estrategia militar eta teknologikoaren inguruan. Filma aurtengo Donostiako Zinemaldian izango da ikusgai, Perlak sailaren barruan.
Patricia López Arnaizek Gure Zinema saria jasoko du Zinemaldian
Arabar aktoreak euskal zinema eragileen plataformaren saria jasoko du irailaren 19an Donostian, "azken urteotan aktore nabarmenen artean kokatu duen ibilbideari esker".
"Salitre" pelikularen trailerra
Norma Vila bilbotarraren lehen film luzea, "amatasunaren alde ilunerako bidaia intimo eta sentsoriala", Sitgeseko zinema jaialdian estreinatuko da, urrian. EITBren parte hartzea duen thriller psikologikoaren protagonistak Haizea Carneros eta Nagore Aranburu dira.
Orlando Bloom, Marion Cotillard eta Jeremy Irons Zinemaldian izango dira
Werner Herzog eta Naomi Watts Donostia sariaren hartzekodunez gain, besteak beste, Brad Pitt, Noemie Merlant, Martin McDonagh, Cristian Mungiu, Pawel Pawlikowski eta Ira Sachs, epaimahai ofizialaren burua, iritsiko dira Donostiara.
“Salitre": habia hutsaren sindromea aztertzen duen thriller psikologikoaren lehen irudiak
Norma Vilak zuzendu eta Nagore Aranburu eta Haizea Carneros protagonista dituen Salitre euskal filma thriller psikologiko bat da, "begirada femenino, garaikide eta desmitifikatzaile batetik" habia hutsaren sindromea eta galeraren aurreko beldurra aztertzen dituena. Filmak EITBren parte hartzea du.
“Salitre” eta “Las hijas” euskal filmak Sitgesko zinema jaialdiko Sail Ofizialean lehiatuko dira
Norma Vila bilbotarraren lehen film luzea eta Daniel Romero zuzendariak eta Asier Guerricaechevarriak idatziriko thriller psikologikoa, Yune Nogueiras protagonista duena, fantasiazko zinemaren Kataluniako udalerriko jaialdian estreinatuko dira.
Hadesen aurkitu zituen Ulisesek hildako ibiltariak
Aintza eta Aintza Homerori, Nolani, "Odisea" euskarara ekarri zuen Matias Mujikari eta sorgindurik dauden (gauden) ikusle eta irakurle multzo bikain horri!
"Los domingos" Oscarretara bidean jarri du Espainiako Zinema Akademiak
Alauda Ruiz de Azuaren filmak La bola negra eta El ser querido izango ditu lehiakide, Espainiako Akademiaren behin betiko hautagaia izateko deman.