Luis Barcenasek, PPren diruzainak, dimisioa eman du
Luis Barcenas senatariak dimisioa eman du PPren diruzain moduan eta behin behineko baja eskatu du Alderdi Popularrean, alderdiko iturriek jakitera eman dutenez. Erabakia ''Gürtel auzia''ren sumarioa publiko egin eta Barcenasek legez kanpoko komisioetan 1,3 milioi euro eskuratu zituela zabaldu eta bi egunera iritsi da senatariaren erabakia.
Barcenasek "behin betiko" dimisioa eman du Alderdi Popularraren Espainia mailako diruzain gisa. Iazko uztailaren 28an alderdiak iragarri zuen Barcenasek behin behinean kargua utziko zuela "epaitegiek errugabetasuna frogatzen duten arte".
Luis Barcenas senatari popularrak agiri batean azaldu duenez, "errugabea" dela ziur badago ere, diruzain kargua utziko du ''Gürtel auzia'' alderdiari "kalte egiteko tresna" moduan erabiltzen ari direlako.
PPren webgunean argitaratutako agiri batean, Barcenasek iragarri du behin behinean PPren militante izateari uzteko idatzia aurkeztuko duela eta halaxe adierazi diola Mariano Rajoy PPren presidenteari.
Agirian Barcenasek gogora ekarri duenez, "presidenteak proposatuta aukeratu" zuten diruzain Batzorde Nazionalean.
Era berean, "argi adierazi nahi dut niri eta niri familiari kalte konponezina egin zaigula. Nire ustez, errugabetasun naizen heinean, auzi hau Alderdi Popularrari eta presidenteari kalte egiteko tresna moduan erabiltzen ari dira. Hori da erabaki mingarri hau hartzeko arrazoia".
Gainera, "Alderdi Popularrari eskerrak emateko" aprobetxatu du aukera beregan "izan duten konfiantza" dela eta.
Rajoyk gogoeta egin zezala eskatu zion
Mariano Rajoy PPren presidentea Barcenasekin bildu zen atzo eta gogoeta egiteko eskatu zion, egoera "zaila" eta "korapilatsua" delako.
PPko iturriek jakitera eman dutenez, Rajoyk deitu zion Barcenasi eta Genova kalean duen bulegoan bildu ziren, baina ez zion dimisiorik eskatu.
Erabaki "zuzena" da Arenasentzat
Bilera horretan izan zen Javier Arenas PPren Andaluziako burua ere.
Azken horrek gaur adierazi duenez, Barcenasek gaur hartu duen "erabakia zuzena" da eta bere ustez, "alderdiari minik ez egiteko" hartu du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.