PPk ez du neurririk hartuko Luis Barcenasen aurka
Antonio Pedreira Madrileko Auzitegi Nagusiko (TSJM) epaileak sekretua kendu zion atzo Gurtel auziari, eta publiko egin zituen 50.000 txostenetan ondorio argiak irakur daitezke. Adibidez, PPren finantzaketa irregularra izan dela Valentzian eta Madrilen.
Eskandaluaren erdigunean Luis Barcenas senataria eta PPko diru-zain ohia dago. Dena dela, oraindik ere bulegoa dauka Genova kalean eta alderdiak ez dio konfiantza kendu, sumarioaren arabera legez kanpoko komisioetan 1,3 milioi euro jaso bazituen eta Auzitegi Gorenean auzipetuta badago ere.
Horren ildotik, Esteban Gonzalez Pons PPko Komunikazio idazkariordeak iragarri du ez dutela neurririk hartuko haren kontra, "ez baitago ezer berririk" auzian.
EFEri egindako adierazpenetan, Gonzalez Ponsek esan du atzo publikatutako txostenetan ez dela "gertakizun berririk" agertzen, eta gainera ez dutela beste inor auzipetu.
Bere esanetan, PPk "erantzun politikoa" eman du jada Gurtelen aurrean, eta pertsona batzuek dimisioa aurkeztu dute jada eta beste batzuk alderditik bota dituzte.
Sumarioaren edukia
Atzo publiko egin ziren txostenen arabera, ustelkeria sareak hainbat opari eta ordainketa egin zizkien PPko goi-kargudunei.
Adibidez, Barcenasek bere ondarea laukoiztu egin zuen bost urtetan, eta txalet bat erosi zuen miloi bat euroko txekeetan.
Halaber, Francisco Correa enpresaburuak ustez zuzentzen zuen sarea eta PPko goi-kargudunak harremanetan jarri zituena dela dio sumarioak. Dena Jose Maria Aznarren garaian.
Valentzian, Francisco Campsen Gobernuko zortzi kontseilarik opariak jaso zituzten Orange Market enpresaren aldetik, eta Rita Barbera eta Ricardo Costa ere nahasita daude.
Madrilen, Esperanza Aguirreren Gobernuak arau guztiak hautsi zituen kontratazio publikoak egiteko prozesuan.
Eta Galiziako hauteskunde kanpainian, Alvaro Perez, El Bigotes, enpresaburuak (auziko auzipetu nagusietako bat) pizgarriak jaso zituen. Javier Arenas eta Luis Barcenas PPko buruak bazuten guztiaren berri.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.