85 milioi euroko fidantza ezarri dio epaileak Francisco Correari
Antonio Pedreira Madrilgo Auzitegi Nagusiko epaileak 85 milioi euroko fidantza ezarri dio Francisco Correari, ''Gurtel auziko'' ustezko buruari. Horrela, Correari leporatzen dizkioten delitu fiskalen ondorioz gerta litezkeen erantzukizunak ordaindu ahal izatea nahi du epaileak.
Pedreirak martxoaren 31an egindako idazkian, 2002 eta 2007 artean egindako ustezko delituen kostua handia izan daitekeela nabarmendu du.
Horrez gain, Correa eta bere bazkideen ondasunak ere bahitu ditu (Pablo Crespo Sabaris, Alvaro Perez, ''El Bigotes'', Carmen Rodriguez Quijano eta Ramon Blanco Balon), ezarritako diru-kopurua bete arte.
Epaileak biharko deitu ditu Gurtel auziko aldeak, sekretutik kenduko dituen 50.000 orriak dauden webgunearen pasa-hitzak emateko.
Hasieran, epaileak gaur egingo zituen publiko orriok, baina azkenean bihar arte atzeratu du, arrazoi teknikoak tarteko.
Auzipetuek eta akusazioek auzitegira joan beharko dute bihar 09:00etatik 14:00etara, identifikazioak jasotzeko.
Urrian, Pedreira epaileak Baltasar Garzon Auzitegi Nazionaleko epaileak ikertutako zatia egin zuen publiko.
Besteak beste, espetxean jarraitzen duten hiru auzipetuek (Francisco Correa, Pablo Crespo eta Antoine Sanchez) kartzelan euren abokatuekin izandako elkarrizketak egin zituzten publiko.
Ustez PPko hainbat kargudunekin zerikusia duen ustelkeria sare bat ikertzen ari dira auzi horretan.
Ondoren, baina, Madrilgo Auzitegi Nazionalak baliogabe utzi zituen, entzuketak "bidegabeak" izan zirela eta defentsa-eskubidea urratu zutela argudiatuta.
Orain, baliteke epaileak auzipetutakoen zerrenda ''argaltzea''. Orain 80 inguru baitira.
Zure interesekoa izan daiteke
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Hasi da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.