Barne Ministerioaren ustez, atxiloketa oso garrantzitsuak dira
Antonio Camacho Estatuko Segurtasun idazkariak Guardia Zibilak Bizkaian eta Gipuzkoan egindako operazioaren garrantzia goraipatu du.
Operazioan hamar pertsona atxilotu zituzten atzo, tartean hiru abokatu. Camachoren hitzetan, "ETAko kideak auzitegietan defendatzeaz gain, ETAko ustezko kideak dira".
"Ez dituzte ETAren inguruko abokatuak atxilotu, ETAko ustezko kideak baizik", azaldu zuen.
Alfredo Perez Rubalcaba Barne ministroak operazioaren nondik-norakoak gaur azalduko dituela jakinarazi zuen Camachok. Agerraldia 12:30ean izango da.&' || 'nbsp;
Atxilotuak Gipuzkoan eta Bizkaian
Guardia Zibilak hamar pertsona atxilotu zituen atzo&' || 'nbsp; Bizkaian eta Gipuzkoan, horietako hiru ezker abertzaleari lotutako abokatuak, ETAko kideak izatea edo erakunde armatuari laguntzea leporatuta, albiste agentziek terrorismoaren kontrako iturriek jakitera eman dutenez.
Bilbon Arantza Zulueta eta Erramun Landa atxilotu zituzten; eta Hernanin Jon Enparantza eta Iker Sarriegi.
Bizkaiko hiriburuan Naia Zuriarrain preso ohia ere atzeman zuten, Gernikan Jose Luis Gallastegi LABeko kidea, Sopelan Saioa Agirre, Donostian Juan Maria Jauregi Zalakain eta Asier Etxabe Azkue eta Usurbilen Jose Domingo Aizpurua.
Aipatutako iturrien arabera, Javier Lopez Peña Thierry ETAko buruzagi izandakoari atzemandako agiriekin lotutako polizia-operazioa da. Atxiloketak Fernando Grande Marlaska Auzitegi Nazionaleko epaileak agindu zituen. Thierry-ri atzemandako informazioari lotuta Joseba Agudo Mancisidor abokatua ere atxilotu zuten.
Miaketak
Arantza Zulueta abokatuaren bulegoko miaketa 22:30 aldera amaitu zuen Guardia Zibilak, hamar ordu baino gehiago bertan eman ostean. Agiriz betetako lau kutxa atera zituen Guardia Zibilak, eta auto bat zigilatuta garabian eraman zuten.
Bilboko Elkano kalean miatu zuten abokatuaren bulegoa. Arantza Zulueta, bilurrak ipinita, eta beste emakume bat miaketan izan ziren. Guardia Zibileko 10 agentek parte hartu zuten araketan. Inguruetan ezker abertzaleko jarraitzaileak bildu ziren eta atxilotuen aldeko oihuak egin dituzte.
Ezker abertzalearen ohiko abokatuak
Arantza Zulueta ezker abertzalearen abokatuen ohiko ahotsa da: Duela hiru aste Jon Anza Frantzian hilik agertu zen ETAko kidearen sendiaren izenean hitz egin zuen prentsaren aurrean, Anzaren heriotzaren ingurukoak zalantzan jarriz.
Iragan martxoaren 2an, Auzitegi Nazionalak Jon Enparantza absolbitu egin zuen terrorismoa goratzeagatiko delitutik. Jose Maria Sagardui, Gatza, ETAko presoaren omenaldi batean aipatu delitua egitea egozten zioten.
Hirugarren abokatu atxilotua Iker Sarriegi da. Sarriegi Realeko jokalari ohia da eta futbola utzi ostean abokatu gisa hasi zen.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.