Rafa Diez aske utzi izanak ika-mika piztu du
Baltasar Garzon epaileak 30.000 euroko fidantzapean askatu zuen Rafael Diez Usabiaga joan den astelehenean. Apirilaren 12an Lasarteko Udalak kaleratu zuen txosten batean oinarritu zen epailea erabaki hori arrazoitzeko. Bertan jasotzen denez, horren amak "Pertsona Fisikoen Menpekotasun Legean jasotzen diren prestazioak eta laguntza pertsonalak jasotzeko izapideak abiatu ditu, eta Rafael semea eskatu du zaintzaile gisa".
PP
Leopoldo Barreda EAEko PPren bozeramaileak salatu du Lasarte-Oriako Udalean ez dagoela espedienterik LABeko idazkari ohiaren amari buruz.
Hori dela eta, Barredak ondorioztatu du Diez Usabiagaren amak "ez duela laguntzarik alor horretan eta inon ez dela agertzen semeak zaintzea eskatu duela".
PPren eledunaren esanetan, "irudipena dut norbaitek informazioa puztu duela sumarioan edo behintzat aldatu egin duela epaileak benetakoa ez den zerbait uler dezan", edo agian, Baltasar Garzon epaileak berak "balio gehiegi" eman diola informazioari.
Lasarte-Oriako Udala
Lasarte-Oriako Udalak, bere aldetik, esan du LABeko idazkari nagusi ohiaren amari deialdi bat soilik helarazi diola gizarte laguntzailea berarekin bildu dadin, Mendekotasun Legeko zaintza eskakizuna bideratzeko.
Dignidad y Justicia
Daniel Porteiro Dignidad y Justicia elkartearen presidenteak uste du Rafa Diez Usabiagaren bermepeko askatasuna "Batasuneko buruzagiak kalean egoteko" estrategia bat dela "Batasunak ETAri irabaz diezaion eta indarkeria bazter dezan". Argudio hori gaur bertan ezeztatu du Rodolfo Ares Herrizaingo sailburuak.
Batasuna
Tasio Erkizia ezker abertzalearen buruzagi historikoak, horren harira, esan du "min" egiten diela Diez Usabiagarekin gertatzen ari denak, izan ere, "kartzelara sekula bidali behar ez zuten buruzagi politiko bat" omen da.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.