Lokarrik Jaurlaritzak elkarbizitzarako elkarrizketa zuzentzea nahi du
Lokarrik, akordioaren, kontsultaren eta berradiskidetzearen aldeko herritarren sareak, Eusko Jaurlaritzak indar politiko guztiekin elkarrizketa prozesua zuzen dezala proposatu du elkarbizitzarekin zerikusia duten gaietan akordioak adosteko.
Hori da bake prozesuaren giza behatokiaren udazkeneko txostenaren gomendioetako bat. Txostena, hain zuzen, Donostian aurkeztu dute prentsaurreko batean, Manu Vilabrilla eta Aitziber Blanco Lokarriko ordezkariek.
Patxi Lopez lehendakariak bere "plana zehaztu behar du" eta "erakundeetatik elkarbizitzaren inguruan kontsentsua lortzeko ahaleginak batu". Halaber, adiskidetzea eta elkarbizitza lantzeko herritarrei bideak eskaini behar zaizkiela azaldu dute.
Donostiako Nazioarteko Bake Konferentziaren antolatzaile nagusia izan zen sareko kideen iritziz, bakea atzeraezina izan dadin bi baldintza bete behar dira: ETAren behin betiko indarkeariaren amaiera, joan den urriaren 20ean iragarri zena, eta Sorturen legeztatzea.
Hori dela eta, Lokarrik Rajoy presidente izango duen Espainiako hurrengo Gobernuari "Sorturen legeztatzea ez oztopatzeko positiboki jardun dezala" eskatu dio eta Auzitegi Konstituzionalari, berriz, "ahalik eta azkarren aldeko ebazpena" eman dezala eskatu dio.
Herritarrek egoera politikoaren inguruan duten iritzia
Txostenak, halaber, herritarrek Euskadin bizi den egoera politikoaren inguruan duten iritzia jasotzen du, horretarako 1.170 pertsonei egin diete galdeketa. Hala, bake prozesuaren egoerari 7,76ko nota eman diote herritarrek.
Nota hori 2009ko udan, esaterako, 2,8koa izan zen eta joan den udaberrian 7,09raino igo zen. Hala, udazken honetako txostenean jasotzen da kalifikaziorik onena, ETAren jarduera armatuaren behin betiko amaieraren iragarpenaren ostean.
Galdekatutako herritarren artean % 80ek Espainiako Gobernuak ETArekin kontaktuak hasi behar dituela iritzi dio, % 2k, bestalde erakunde terroristak armak entregatzen ez dituen bitartean elkarrizketarik ezin dela izan uste du, eta % 1ek ETArekin hitz egiteko ezer ez dagoela pentsatzen du.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.