Bakerako lantaldearen bozketak zatiketa eragin du Aralarren
o Legebiltzarrean adostutako bakerako eta elkarbizitzarako lantaldearen bozketak zatiketa eragin du Aralarren. Lau legebiltzarkideetatik hiruk foroa eratzearen aldeko botoa eman dute, eta hortaz, alderdiaren barruko diziplina hautsi dute.
Aintzane Ezenarrok, Oxel Erostarbek eta Mikel Basabek lantaldearen eraketa babestu dute, Dani Maeztuk, berriz, Aralarko zuzendaritzak finkatutako eskakizunari jarraituz, kontra bozkatu du. Alderdiko zuzendaritzak foro horretan aukera politiko guztiek, ezker abertzaleak barne, baldintza berdinetan parte hartzea exijitzen zuen.Ostiral honetan aurrera atera den akordioan, ordea, ez da Aralarko zuzendaritzak jasotako betebehar hori jasotzen, izan ere, foro horretan ezker abertzalea ez da partaide iraunkorra izango.
Maeztuk joan den astean emandako prentsaurreko batean Aralarko talde parlamentarioan bozketa garaian zatiketarik ez egotea espero zuela adierazi zuen, eta bere alderdikideek, gaurko saioan gertatu den moduan, alderdiaren barruko diziplina hautsiz gero "ondorioak" izango direla ohartarazi zuen.
Ezenarrok, Erostarbek eta Basabek ez dute inolako azalpenik eman lantaldearen eraketaren bozketaren ondoren. Dani Maeztuk, berriz, ez du ezer aurreratu nahi izan, gaur arratsaldean prentsaurrekoa emango du Donostian Patxi Zabaleta Aralarko idazkari nagusiarekin eta Rebeca Ubera Gipuzkoako agintariarekin batera.
Aralarrek "diziplinako espediente bat" ireki diezaieke
Aralarko barne araudiaren 93. artikuluak jasotzen duenez, gai moral edo etikoetan eta alderdiak eskakizunik egin ez duen kasuetan boto askatasuna izango dute kargu publikoek.
94. artikuluan, berriz, Aralarko kargu publikoek "erakundearen boto agindua bete" beharko dutela jasotzen da, baita beste alderdiren batekin hitzarmen bat edo itunen bat adosten kasuetan, edota "erakundearen helburuekin eta oinarri ideologikoarekin oso lotuta" dagoen kasuetan.
95. artikuluan, boto agindu hori hautsiz gero, "diziplinako espediente bat irekitzea" eragin dezakeela jasotzen da, eta, fede txarrez egina dela ikusiz gero edo jarrera errepikatzen bada, "alderditik kanporatu" dezaketela jasotzen da.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.