PPk ideologiagatik desegin nahi du ongizate sistema, PSE-EEren arabera
Jose Antonio Pastor PSE-EEren bozeramaileak uste du PP Ongizate sistema "desegiteko bidean" dagoela murgilduta "arrazoi ideologikoengatik", ez krisiagatik bakarrik. Anton Danborenea PPren Legebiltzarreko bozeramaileak, bere aldetik, Mariano Rajoyren neurriak Jaurlaritzak azken hiru urteetan ezarri dituenen "berdinak" direla erantzun dio.
Radio Euskadin egindako debate batean eztabaidatu dute Pastorrek eta Danboreneak.
PSE-EEren bozeramaileak uste du "ia marra gorri guztiak" igaro dituela Espainiako Gobernuak, ez PSOEk jarritakoak bakarrik, Mariano Rajoyk hauteskunde-kanpainan ezarritakoak ere bai.
"Marra gorriak igarotzen ari dira eta larriena da herritarrei gezurra esan dietela nahita. Herritarrei esan zieten gauza batzuk egingo zituztela eta justu kontrakoa egin dute eta dagoeneko ez da krisitik ateratzeko neurri jakin batzuen kontua, hori aitzaki bezala erabiltzen dute", adierazi du Pastorrek.
Horren harira, buruzagi sozialistak ohartarazi du "ongizate estatua desegite bidean" jartzen ari direla eta hori dela "arriskutsuena". "Horren atzean ez dago krisi ekonomikoa soilik, ideologia dago horren atzean", gaineratu du.
Anton Danborenea PPren Legebiltzarreko bozeramaileak erantzun dio ez dakiela zein marra gorri igaro duen Rajoyk, izan ere, "ongizate estatua mantentzea da hain justu egiten ari dena" Zapateroren Gobernuak kontu publikoetan "zuloa utzi" arren.
Horren harira, gogorarazi du osasun alorrean "15.000 milioi eurotik gorako zorra" dagoela eta "PSOEk utzitako kontuetan" ez dagoela "ordaintzeko dirurik".
Gainera, Mariano Rajoyk hartu dituen azken neurriak "Jaurlaritzak azken hiru urteetan ezarri dituenen berdinak" direla esan du buruzagi popularrak.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.