ETAko bi iheslari atxilotu dituzte Londresen
Britainia Handiko segurtasun indarrek eta Londreseko Poliziak, Espainiako Poliziaren laguntzarekin, Antton Troitiño eta Iñaki Lerin ETAko kide iheslariak atxilotu dituzte Ingalaterrako hiriburuan, Scotland Yardek eta Espainiako Barne Ministerioak baieztatu dutenez.
Auzitegi Nazionalak igorri zuen biak atxilotzeko agindua, eta Lerinen kasuan, ETAko kide bilatuenetako bat zen.
Antton Troitiñok, ETAren 'Madrid' taldeko kide zenean, 80ko hamarkadan, 20 hilketatan parte hartzeagatik bete zuen 24 urteko kartzela-zigorra eta libre geratu zen 2011ko apirilean.
Hasiera batean 2017ko urtarrilaren 17a arte egon behar zuen preso, 'Parot dotrina' deiturikoa aplikatuta; baina beste neurri bati esker 2.200 urteko zigorra gainditu eta kartzelatik ateratzea lortu zuen.
Auzitegi Konstituzionalaren ebazpen bat aintzat hartuta atera zen Troitiño kartzelatik. Ebazpen horren arabera, aurreneurrizko espetxealditzat hartzen da beste delitu bategatik kartzelan igarotzen den denbora.
Hori horrela, Fiskaltzak ezin izan zion orduan zaintza berezirik jarri, presoa libre baitzegoen eta bere eskubideen kontrako neurria izango baitzen.
Gaur egun, atxilotzeko Euroagindua zuen beregain 2011ko apirilaren 19tik. Auzitegi Nazionalak igorri zuen agindua erakunde terroristako kide izatea egotzita.
Iñaki Lerinek (Iruñea, 1973), berriz, 2007an ihes egin zuen, ETAren 'Donosti' taldea desegin zutenean, talde horretako ustezko kide baitzen.
Horren kasuan ere, Auzitegi Nazionalak igorritako atxilotzeko agindu europarra zuen bere gain 2007tik, erakunde armatuko kide izatea eta lehergailuak gordetzea leporatuta.
Etxebizitza batean atxilotuta
Terrorismoaren aurkako borrokaren iturrien arabera, Troitiño eta Lerin 05:00etan atzeman dituzte, Hounslow auzoko etxebizitza batean.
Horiekin batera, ETAko bi kideekin batera zeuden beste hainbat pertsona ere atxilotu dituzte, baina ez dute loturarik ETArekin.
Espainiara estraditatua izateari errefusapena
Une honetan, Polizia gutxienez bi etxebizitza miatzen ari da, Scotland Yardek jakinarazi duenez.
ETAko kideak Londresko polizia-etxea nagusian daude. Halaber, Espainiara estraditatuak izatea errefusatu dute eta aldi baterako kartzelan egongo dira, uztailaren 20ra arte, Londresko auzitegi batek jakitera eman duenez.
"Kolpe gogorra" ETArentzat
Espainiako Barne Ministerioaren arabera, atxiloketak "kolpe gogorra" dira ETArentzat; izan ere, Troitiño "eredu bat da erakunde terroristarentzat" eta harremanak zituen ETAren egungo zuzendaritzarekin.
11 atxiloketa Britainia Handian
Bi atxiloketa horiekin, dagoeneko 11 pertsona atxilotu dituzte Britainia Handian azken hamarkadan. Gainera, aste honetan bost ETAko ustezko kide atxilotu dituzte Euskal Herrian, Frantzian eta Ingalaterran.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.