Antton Troitiño: urtebeteko ihesaldia, 24 urteko zigorraren ostean
Antton Troitiño ETAko "Madrid" taldeko kide ohia Londresen atxilotu ostean, urtebeteko ihesaldia amaitu da.
Troitiño 2011ko apirilaren 13an atera zen Hulevako kartzelatik, 22 hilketatan parte hartzeagatik 24 urteko kartzela-zigorra bete ostean. Ezustean atera zen Troitiño kartzelatik.
Izan ere, Auzitegi Nazionalak 'Parot dotrina' ezarri zion eta 2017ra arteko kartzelaldia agindu zuen.
Baina, horren ondoren, Auzitegi Konstituzionalak beste ebazpen bat eman zuen eta horren arabera, aurreneurrizko espetxealditzat hartzen da beste delitu bategatik kartzelan igarotzen den denbora.
Libre geratu ondoren, Troitiño Donostiara joan zen, baina han egun batzuk igaro ondoren, desagertu egin zen, eta askatasuna eman zion ebazpena atzera bota zutenerako, ihes eginda zegoen.
Antonio Troitiño 1987ko urtarrilaren 23an atxilotu zuten lehenengo aldiz, ETAren "Madrid" taldea desegin zutenean. Iñaki de Juana Chaos, Esteban Nieto eta Inma Noble ere talde horretako kideak ziren.
ETAko kidea auto bonba batez bost guardia zibil hiltzeagatik zigortu zuten lehenik. Autobusean zihoazen guardia zibilen kontrako atentatu batean (12 guardia zibil hil zituzten) parte hartzeagatik ere zigortu zuten.
Carlos Besteiro Perez koronelaren, Ricardo Saenz de Inestrillas komandantearen eta Francisco Casillas soldaduaren hilketetan parte hartzea ere leporatzen diote.
Gainera, ETAren Gipuzkoako 'Aizkora' taldeko kide zenean Lorenzo Mendizabal errenteriarraren eta Angel Zapatero Antolin guardia zibilaren hilketengatik ere jaso zuen zigorra.
Hilketa horiez gain, Antonio Hernandez Gil Botere Judizialaren Kontseilu Nagusiko presidentearen hilketa saiakeran eta Defentsa Ministerioaren kontra granadekin egindako erasoan parte hartu zuen.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.