Hauteskundeak begi-bistan
Euskobarometroak utzi duen argazkia baieztatuz gero, foto finish-a beharko da hurrengo hauteskundeetako irabazlea nor den jakiteko. Boto-portzentajeari eta boto-kopuruari dagokienez, zalantza gutxi dago EAJ izango dela irabazle, Bizkaian duen nagusitasunak ematen dion indarra baliatuta. Euskal Autonomia Erkidegoko hauteskunde legea dela eta, baina, eserlekuen banaketak ez du nagusitasun hori islatuko. Aspaldian ez bezala, gauzak estu, oso estu, egon daitezkeela dirudi.
Euskobarometroaz gainera, azken hilabeteotan bi inkesta kaleratu dituzte. Vocento taldearenak 24-26 eserleku eman zizkion EAJri; 19-21, EH Bilduri; 14-17, PSE-EEri; 11-12, PPri; eta 2, IU-Ezker Anitzari. Gara egunkariak apirilean kaleratutako galdeketak 24 eserleku eman zizkion Bildu koalizioari; 22, EAJri; 15, PPri; eta 12, PSE-EEri. Ezker Anitzak eserleku bat izango du, emaitza horiek baieztatuz gero.
Euskobarometroak utzitako erretratuarekin, zenbait ondorio atera daitezke. Euskal politikaren mapan lau alderdi bakarrik geratuko dira –bi abertzale, bi estatalista–, nahiz eta alderdi horietako bat –Bildu– beste lauren koalizioa izan. Euskal abertzaletasunaren nagusitasuna erabatekoa izango da. Bestetik, inork ez du gehiengo absoluturik izango, ezta bakarrik agintzeko indar nahikorik ere; beraz, itunak eta koalizioak egitea beste erremediorik ez da egongo. Akordioak osatzerakoan, berriz, EAJri egokituko zaio, irabazten badu, lehen urratsa ematea. Nora begiratuko duen da zalantza nagusia, baina, zenbakiei erreparatuz gero, bi aukera baino ez ditu izango: PSE-EErekin edo EH Bildurekin ados jartzea.
Euskobarometroaren arabera, oraindik ere herritar askok ez dute botoa erabakita. Ondorioz, hauteskundeak egin arte, alderdiak gogor lehiatuko dira herritarren botoaren bila. Alderdi nagusiek euren hautagaiak izendatu dituzte jada. Orain arte entzundakoak entzunda, bakoitzak bere jokalekua markatu du: jeltzaleek PSE-PP itunaren porrota, aldaketaren beharra eta gestio onaren bermea jarriko dute mahai gainean; sozialistek autogobernuaren defentsa Madrilgo murrizketen aurrean eta gizarte politiken aldarrikapena izango dute ikur nagusi; PPk abertzaleen subiranotasun asmoen mamua berpiztuko du, baita sozialisten kudeatzeko gaitasun eza astindu ere; eta EH Bilduk bake-prozesuan eta subiranotasunean urrats gehiago emateko beharra azpimarratuko du. Oraindik ez dago deialdi ofizialik, baina aste honetan hauteskunde giroa bete-betean iritsi da EAEra.
Zure interesekoa izan daiteke
Chivitek uste du PSOEri "azkartasuna eta irmotasuna" falta izan zaiola sexu-jazarpenaren aurrean
Maria Chivite Nafarroako presidenteak gogorarazi du PSOE dela sexu-abusu kasuetarako protokoloa duen alderdi bakarra, baina uste du "hobetu" egin behar dela, "biktimen babesari, biktimen bermeari eta jarduera azkar, eraginkor eta justuari begira".
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.
GKSk faxismoaren aurkako manifestazioak deitu ditu urtarrilaren 31rako Bilbon eta Iruñean
Bilbon egindako agerraldi publikoan, ohartarazi du "euskal nortasunaren izenean" faxismoa sortu dela Euskal Herrian, eta "sare sozialetan eta kaleetako hormetan agertzen" hasia dela, "mezu arrazista, supremazista eta matxistekin".
Osasun sailburuak "jarrera aldatzeko" eskatu dio Osasun ministroari, medikuen grebaren eta profesionalen faltaren aurrean
Alberto Martinez sailburua kezkatuta agertu da mediku eskasiari aurre egiteko neurririk hartzen ari ez direla iritzita, eta azalpenak eskatu ditu Esparru Estatutuan guardia medikoetarako proposatzen den antolaketa ereduari buruz.
PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
UCOk dokumentazioa eskatu du Correosen eta Ogasun zein Trantsizio Ekologikoko ministerioetan
Zehazki, kontratu eta dirulaguntzei buruzko dokumentazioa eskatu diete guardia zibilek, Leire Diezekin lotutako sarearen inguruko ikerketaren baitan. Prebarikazioa, ondasun publikoak bidegabe erabiltzea eta erakunde kriminal bateko kide izatea leporatzen diete. Ikerketa zabalik dago oraindik.
Arabako foru kabineteak eta Elkarrekin Podemos IUk negoziazioak areagotuko dituzte, akordio bat ixten saiatzeko
Arabako Batzar Nagusietako aurrekontu proposamena aurrera jarraitzea ahalbidetu du Elkarrekin Podemos IUk, koalizio horretako hiru prokuradoreen botoei esker. Zuzenketa partzialak astelehenean eta asteartean eztabaidatuko dira, eta behin betiko onarpenerako osoko bilkura hilaren 19an izango da.