Masek ohartarazi du Espainiari ere kalte egingo liokeela boikotak
Artur Mas Generalitateko presidenteak ohartarazi du Kataluniako produktuen kontrako balizko boikotak Espainiari ere kalte egingo liokeela.
Pimec patronalak azaroaren 25eko hauteskundeetako hautagaiekin antolatutako hitzaldi-sortaren baitan, independentziari buruzko iritzia enpresaren izaeraren araberakoa dela azpimarratu du Generalitateko presidenteak Kataluniako 200 bat enpresari txiki eta ertainen aurrean.
Masen esanetan, nazioartekotuta dauden enpresei "gutxi" axola zaie Katalunia Espainiarekiko independentea den ala ez. Kataluniako merkatura mugatzen diren enpresentzat, berriz, independentziaren aukera "interesantea" izan daitekeela uste du.
Masek aitortu du Espainiako merkatuan saltzen duten enpresena dela "arazoa", baina lasaitasun mezua helarazi die. Izan ere, Espainiatik Kataluniako produktuei boikota egitea Espainiari ere ez zaiola komeni gogorarazi du.
Josep Lluis Carod-Rovira ERCren buruzagi ohiak Madrilgo Joko Olinpikoei buruz egindako adierazpenen harira Kataluniako cavaren salmentek izan zuten beherakada dela eta, Masek ez du "boikot" hitza aipatu, baina antzeko ekimenek "kanpoko enpresei ere" kalte egingo liekeela azpimarratu du.
Zure interesekoa izan daiteke
Sanchezek erantzunak eta neurriak eskatu dizkio Marokori, Ceutan muga-kontrolak huts egin zuelako
"Gogoak batzeko" deia egin du Sarek presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
