Diadako irudien kanpaina erretiratzeko agindu diote Generalitateari

Hauteskunde-Batzordeak Generalitateari, azaroaren 25eko hauteskundeetara begira, bere kanpaina osatzen duten bideoak eta irratiko iragarki laburrak kentzea eskatu dio; Diadako manifestazio jendetsua agertzen da horietan.

PSC, PPC, ICV-EUiA eta Ciutadans alderdiek helegitea aurkeztu zuten Probintziako Hauteskunde-Batzordean, Kataluniako Gobernuak era alderdikoian kanpaina CiUk babestutako manifestazioarekin lotzen zuela ikusita, eta, ondorioz, horrek "nazionalisten botoa piztu dezake".

Bartzelonako Hauteskunde-Batzordeak Hauteskunde Batzorde Nagusiari pasatu zion gaia, eta, azken horren arabera, Generalitatearen kanpainako bideoak eta irratiko iragarki laburrak ez ditu legediak babesten, JECen ebazpanean oinarrituta.

Ondorioz, Kataluniako Generalitateak "berehala kendu beharko ditu bideoak eta iragarkiak", txosten berreslea hastea bidean jarri gabe.

JECren arabera, hauteskunde epeetan herritarrei hauteskundeei edo erreferendumei, botoa emateko prozedurari eta korreoz bozkatzeko izapideei buruz informazioa emateko bakarrik balio izan behar dute. Kanpaina horiek "inolaz ere ezin dute botoa emateko aukera, zuzenean edo zeharka, iradoki".

Kataluniak Gobernuak azaroaren 25eko hauteskundeetan parte hartzea sustatzeko kanpainaren kostua 271.000 eurokoa dela aurreikusi du.