Sortuk antolaketa eredua eta oinarri ideologikoak azaldu ditu
"Estatuekin, akordioen bitartez, edo aldebakartasunetik" etorkizuna erabakitzeko euskal estatu propio bat eratzearen alde egiten du Sortuk. Gainera, "Europan kokatuko den Euskal Estatua lortzeko bidean, erdibideko helmugak" bilatu beharko direla diote; "lau herrialdeko autonomi estatutu bat Hego Euskal Herrian (Nafarroako berezitasuna aitortu beharko du), eta Ipar Euskal Herria instituzionalizatzea".
Hausnarketa hauek guztiak alderdiak eratze prozesua oinarritzat hartuta egin duen "Sortzaile" ponentzian azaltzen dira. Euren webgunean eztabaidarako lehen ponentzia jarri dute; 49 orriko dokumentua da eta bertan bi kapitulu azter daitezke, batetik oinarri ideologikoak, eta bestetik, antolakuntza eredua.
Bertan, Sortu "Zutik Euskal Herria" ebazpenaren adierazpen politiko zehatza dela azaltzen da, "Euskal Herriko sozialisten eta independentisten erreferentzia".
"Eraikitzen ari diren prozesu demokratikoa" lan egingo duten agertoki orokorra dela azaldu dute, eta "Euskal Herriaren errealitate nazionala aintzat hartuko duen eta herritarrek erabakitzeko eskubidea izan dezaketen" marko demokratikoan lan egingo dutela gaineratu dute.
Txosten hau ez da behin betikoa izango. Euren iritziz, euskal herritarrek euren etorkizuna erabakitzen joan behar dute, "estatuekin akordioen bitartez, edo aldebakartasunetik", eta proiektua gauzatu ahal izateko, Iraultza Demokratiko Nazionalerako fasea ireki dutela gaineratu dute.
Alderdiak ETAri aipamen egiten dio ponentzian, behin betiko jarduera armatua amaitu dela berretsiz, baina horrekin "indarkeria guztiak amaitu ez direla" azpimarratu dute eta estatuei "errepresioarekin jarraitzea" leporatu diete. Halaber, biktima guztiak onartzearen alde egiten dute.
Ezker abertzalearen alderdi politiko berriak "estatuekin aldebikotasunaren eskema egituratzea" nahi du, "bai ondorioei aterabidea emateko (Aieteko Adierazpenakjasotzen duen moduan) bai euskal eragileen artean lortu beharreko akordio politikoek Madrilekin eta Parisekin nola inplementatu adosteko".
Batzar Nazionala
Sortuk hauteskunde zerrendetarako hautagaiak bozketa bidez aukeratuko ditu EAEn, Nafarroan eta Iparraldean. Batzar Nazional bat eratuko dute erakundearen zuzendaritza organo gisa: 21 kide izango ditu, idazkari orokor bat eta antolakuntza arduradun bat.
Ordezkariak otsailaren 9an hautatuko dituzte eta hil horren 23an Biltzarra egingo dute. Orduan berretsiko dute ponentzia eta ezker abertzalearen alderdi berria martxan jarriko da.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.