EH Bildu: 'Bakerako lantaldeak konponbide integrala bilatu behar du'
EH Bilduk uste du Eusko Legebiltzarrean osatuko den bakerako eta bizikidetzarako lan-taldeak "gatazkaren konponbide integrala" bilatu behar duela. Alabaina, egun helburu hori betetzen ez duela deitoratu du.
Donostiako egindako agerraldi batean, Pernando Barrena eta Juanjo Agirrezabal EH Bilduko buruzagiek esan dute Legebiltzarreko lantalde hori "bitarteko bat" izan behar dela. "Bakea lortzeko, memoria eraikitzeko eta ezberdinen arteko bizikidetza bermatzeko bitarteko bat izan behar da, betiere berdintasunean oinarrituta eta baldintzarik eta bazterketarik gabe jardungo duena", azaldu dute.
Gauzak horrela, "erantzukizunez" jokatzeko eta lantaldearen izaera guztien artean adosteko eskaera luzatu diete gainerako alderdiei. "Kontrakoa egingo balitz, Gasteizko Parlamentuak gatazkaren konponbide integralaren alde ekarpen eraginkorra egiteko aukera galduko luke", erantsi dute.
Nolanahi ere, EH Bilduk berretsi egin du gatazkaren soluzioaren alde, bakearen eta bizikidetzaren alde instituzio guztietan lan egiteko asmoa duela, "euskal gizartearen gehiengoak hala eskatzen baitu".
Ildo nagusiak
Legebiltzarkide independentisten iritzian, euskal erakundeak "blokeo egoera gainditzeko eta gatazkaren konponbidea bilatzeko subjektu aktiboak izan behar dira".
Konponbide integral hori bilatzeko ildo nagusiak ondoko hauek izan beharko liratekeela azaldu dute: presoen auziari irtenbidea ematea; biktima guztiak aintzat hartzea eta denei ordaintzea; bizikidetzarako oinarriak ezartzea; Euskal Herriaren naziotasuna aitortzea; eta euskal herritarren erabakitzeko eskubidea onartzea.
Zure interesekoa izan daiteke
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.