Barcenasek kontabilitate ezkutua erakutsi ziola aitortu du Triasek
Luis Barcenas PPren diruzain ohia Ustelkeriaren aurkako Fiskaltzara joan da gaur goizean, alderdiko ustezko kontabilitate ezkutuari buruz deklaratzeko, eta kaligrafia proba bat egin diote bertan, Barcenasen inguruko iturriek Europa Press agentziari jakinarazi diotenez.
Halaber, Alderdi Popularraren 'B' kontabilitate bat jaso zezakeen dokumenturik dagoenik ukatu egin du Barcenasek.
Ia hiru ordu eman ditu bertan PPko diruzain ohiak, eta El País egunkariak kaleratutako dokumentuetako idazkera berea izatea ukatu du.
Barcenasek galdera guztiei erantzun die, inputatu gisa, Ministerio Publikoak argitu duenez.
Ustelkeriaren aurkako Fiskaltzara iritsi baino lehen, joan den astelehenean 13TV katean egindako elkarrizketan esandakoari ''koma bat bera ere kendu gabe'' deklaratuko zuela aurreratu dio Barcenasek Europa Press agentziari. Elkarrizketa horretan, PPn 'B' kontabilitaterik egotea eta Alderdi Popularreko kideen ustezko gainsoldatak jasotzen dituzten dokumentuak bereak izatea ukatu zuen.
Oihu artean
Barcenas 11:30ean iritsi da, taxiz, Alfonso Trallero abokatuarekin batera. Fiskaltzaren atarian hainbat kazetari eta herritar zain zeuden, eta "lapurra!" oihuekin egin diote harrera. Hiru ordu beranduago, 14:15etan, Fiskaltzatik atera da, eta ez du adierazpenik egin.
Triasek identifikatu egin ditu paperak
Aldez aurretik, Jorge Trias Sagnier PPren diputatu ohiak deklaratu du, ordu eta erdiz. Ateratzean, "bete egin du betebeharra", adierazi du.
Dena dela, hainbat hedabideren arabera, Trias Sagnierrek aitortu egin du, fiskalaren aurrean, El Pais egunkariak publikatutako paperak Barcenasek duela hainbat urte erakutsi zizkionak direla.
Sei hilabetez luza daiteke
Ikerketa-izapideak sei hilabetez luza daitezke. Ondoren, fiskalak auzia artxibatu dezake, edo, delitu zantzurik aurkitzen badu, auzitegietara eraman. Bigarren hori egingo balu, Gürtel auzia ikertzen duen Pablo Ruz epailearen esku geratuko litzateke.
Antonio Romeral fiskalak agindutako ikerketa urtarrilaren 24an abiatu zen. Hurrengo egunetarako jende gehiago deitu dute deklaratzera.
Hilaren 25ean, epailearen aurrean
Bestalde, Pablo Ruz Auzitegi Nazionaleko eta Gurtel auziko epaile instruktoreak ere deklaratzera deitu du Barcenas, hilaren 25erako, hain zuzen ere.
Ruzek beste kontu korronte bat atzeman dio Genevako (Suitza) Lombard Odier bankuan. Kontu horretatik, diruzain ohiak 10,9 milioi euro legeztatu omen ditu amnistia fiskalarekin.
Espainiako Bankuaren txosten baten arabera, Barcenasek Bankiara bideratu zuen dirua Suitzatik, eta ondoren amnistia fiskalaz baliatu zen, legeztatzeko. Ogasunari 1.235.000 euro ordaindu zizkion.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.