PSEk osoko zuzenketa aurkeztuko du Jaurlaritzaren Arrekontuen aurka
Alderdi Sozialistak osoko zuzenketa aurkeztuko du Eusko Jaurlaritzak 2013rako prestatu duen Aurrekontu proiektuaren aurka, diru-sarreren atalarekin bat ez datorrelako.
Hala iragarri du Patxi Lopez PSEren idazkari nagusiak Forum Europak Bilbon antolatutako hitzaldi batean. Lopezek zehaztu du erabakia atzeraezina dela, PSEren ordezkaritza bat Ricardo Gatzagaetxebarria Ekonomia eta Ogasun sailburua egiten ari den bilera-sortan izango bada ere.
Horrez gain, Patxi Lopezek esan du "Aurrekontuetatik harago joango den premiazko akordio sakon bat" ezinbestekoa dela krisiari irtenbidea emateko. Ildo horretan, "lubakitik ateratzeko eta gainerako taldeekin negoziatzeko" eskatu dio Urkulluren Gobernuari.
"Urkullurena Jaurlaritza ahula da, jardunik ez duena eta gainontzeko taldeekin akordioak bilatu nahi ez dituena", salatu du. "Abstentzioa eskatzera mugatzen da, horrekin bere burua salbatzeko", erantsi du.
"Akordio sakonak behar ditugu, ez bakarrik Aurrekontuak izateko, baita erreforma berritzaileak gauzatzeko, eta horretarako bada, gu negoziatzeko prest gaude", azpimarratu du Lopezek.
EAJ-PP-UPyD aukera
Alderdi Sozialistak eta EH Bilduk osoko zuzenketak aurkeztuko dituztela baieztatuta, EAJk (27 eserleku) aukera bakarra dauka Aurrekontuak onartzeko: PPrekin (10 eserleku) eta UPyDrekin (eserleku bat) negoziatzea eta akordio batera heltzea.
Alabaina, gaur goizean Gorka Maneirok berretsi egin du UPyDk ere osoko zuzenketari eutsiko diola eta Urkulluren Gobernuarekin adostasun batera heltzea "zaila" izango dela nabarmendu du.
Antonio Basagoitik, berriz, Jaurlaritzak PSE-EEren eta PPren abstentzioa bilatu beharko lukeela adierazi du. Ildo horretan, "ardura" eskatu die euskal sozialistei, eta Iñigo Urkullu lehendakariari "akordioa bilatzeko lanean" hasteko dei egin dio.
Antonio Basagoiti gaur elkartuko da Ricardo Gatzagaetxebarria Ekonomia eta Ogasun sailburuarekin, Aurrekontuen proiektua aztertzeko Jaurlaritzak deitu duen bilera-sortaren baitan. Bihar UPyDren txanda izango da.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.