Polemika Jaurlaritzaren eta EH Bilduren artean, Alkorta atzeman ostean
Polemika handia piztu da Eusko Jaurlaritzaren eta EH Bilduren artean, atzo Ertzaintzak Ondarroako (Bizkaia) Aske Gunean Urtza Alkorta atxilotu eta gero.
Auzitegi Nazionalak bost urteko espetxe zigorra ezarri zion gazteari, ETAren talde bati laguntzea egotzita. Nolanahi ere, bere aurkako froga bakarra "torturen bidez" lortutako aitorpen bat dela salatu du horrek.
Ertzaintzak atzo goizean atzeman zuen, hiru orduko operazio batean, atxiloketa galarazteko helburuz Zumardiko zubian "herri harresia" egin zuten ehunka pertsonak banan-banan atera eta gero.
Hori horrela, Laura Mintegi EH Bilduk Eusko Legebiltzarrean duen bozeramaileak "Ertzaintzak Espainiako agintariei eta botereari men egiten" diela adierazi zuen.
"Herriak esan du nahikoa dela, atxiloketen zikloa amaitu dela eta horregatik Ertzaintzak hausnarketa egin behar du. Zeinen menpe dagoen ikusi behar du", gaineratu zuen. Mintegi Aske Gunean izan zen atzo, Alkortari babesa emateko, baina Zumardian izan zen, ez zubian.
Argi Ituarte herriko alkatearen (Bildu) esanetan, "Ondarroan guztiek ezagutzen dute" Urtza Alkortak egindako "lan politiko eta publikoa". "Militante politikoa delako atxilotuko dute Urtza", nabarmendu zuen.
Estefania Beltran de Heredia Eusko Jaurlaritzaren Segurtasun Sailburuak gogorarazi zuenez, Ertzaintzak Urtza Alkorta atxilotzeko agindu judiziala bete egin behar izan zuen, eta protestariek "erresistentzia pasiboa" egingo zutela esan bazuten ere, askotan "erresistentzia aktiboa" izan zela deitoratu zuen.
Ezker abertzaleari ere zuzendu zitzaion, eta hausnarketa egiteko deia egin zion, "Ertzaintzari eta euskal gizarteari ez dagokien erantzukizuna ematen ari direlako".
Iñigo Urkullu lehendakariak txalotu egin zuen Ertzaintzaren lan "eredugarria", eta "inolako beharrik gabe" euskal gizartean "tentsioa sortzea" egotzi zion ezker abertzaleari.
Lehendakariak arduraz jokatzeko eskatu zion EH Bilduri, Ertzaintzak "epaitegietatik heltzen diren ebazpen judizialak bete" egin behar dituelako, eta "ezker abertzaleak berak ere" betetzen dituela gogorarazi zuen.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.