PPri 'sekula' dohaintzarik eman ez diotela esan dute bi enpresaburuk
Alderdi Popularrari "sekula" dohaintzarik eman ez diotela adierazi dute Juan Miguel Villar Mir OHLko presidenteak eta Jose Luis Sanchez Dominguez Sando taldeko jabeak. Barcenasen agirien auzian inputatu gisa deklaratu dute bi enpresaburuek.
Bestalde, Alfonso Garcia Pozuelo enpresaburuak Pablo Ruz Auzitegi Nazionaleko epailearen aurrean deklaratzeari uko egin dio. Enpresaburua espetxera bidaltzeko beste bista bat eskatu dute akusazioek, baina epaileak ez du onartu.
Iturri juridikoek jakitera eman dutenez, Garcia Pozuelok inputatu gisa deklaratzeari uko egin dio, 'Barcenasen agirien' auzian. Constructora Hispanicako jabe ohiak ustez 150.000 ordaindu zizkion PPri 2000, 2003, 2004 eta 2006an.
Javier Iglesias enpresaburuaren abokatuak azaldu duenez, Garcia Pozuelok justiziari lagundu dio aurretik, Gurtel auzian adibidez. Pieza horretan ere enpresaburua inputatuta dago.
Jose Luis Sanchez Dominguez Sando taldeko jabea. Argazkia: EFE
Protesta
Garcia Pozuelo 14:30 aldera heldu da Auzitegi Nazionalera, eta epaitegietako atean 20 bat lagunek ustelkeriaren kontra protesta egin dute.
Ekologistak Martxan kolektiboak sinatutako kartelak zituzten manifestariek: "Constructores corruptores", "Politicos del PP, SOBREcogedores" eta "Gobierno dimision" esaldiekin.
Pablo Ruz Auzitegi Nazionaleko epaileak zortzi enpresaburu galdekatuko ditu gaurtik asteazkenera, inputatu gisa, 'Barcenasen agirien' auziaren baitan.
Enpresaburu horiek eraikuntzaren sektorekoak dira, eta, ustez, dohaintzak eman zizkioten PPri. Ordainketok Luis Barcenas diruzain ohiaren kontabilitate ezkutuan zeuden jasota.
Asteartean honakoen txanda izango da: Jose Mayor Oreja (FCC Construccion), Manuel Contreras (Azvi), Luis del Rivero (Sacyr Vallehermoso) eta Juan Manuel Fernandez Rubio (Aldesa).
Asteazkenean Antonio Vilella (Construcciones Rubau) eta Pablo Crespo 'Gurtel' sareko ustezko 'bigarrena' pasatuko dira Auzitegi Nazionaletik.
12.000 milioi euro, kontratutan
Enpresaburu horiek 12.000 milioi euro jaso zituzten 2001. eta 2002. urteetan, kontratu publikotan, PPk gobernatzen zuen hainbat administraziotan, Espainiako Poliziak egindako ikerketaren arabera.
Txosten horretan, PPri "identifikatuta dauden 19 pertsonak" eman zizkiotela dohaintzak ondorioztatu dute Segurtasun Indarrek. Horietatik, 16k legez kanpoko dohaintzak eman ziztuzten, legeak baimendutako 60.000 euroko muga gainditu zutelako.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.