Barcenasen Suitzako dozena bat kontu blokeatzeko agindu du epaileak
Suitzan Luis Barcenas PPko diruzain ohiak eta Ivan Yanez haren izen-mailegatzaileak duten dozena bat kontu blokeatzeko agindu du Pablo Ruz Auzitegi Nazionaleko epaileak. Zehazki, bien izenean zein horiekin zerikusia duten enpresen izenean dauden kontuak blokeatzeko agindu du.
Ostegunean, Valentziako PSOEk egindako eskaera onartu eta Penaleko Aretoak erreguzko gutuna bidali dio Suitzako Justiziari, Barcenasen kontuak direla-eta.
Gaur bertan kaleratu duen epai batean, eskaera hori handitu eta Barcenasen eta haren izen-mailegatzailearen kontuak blokeatzea agindu du epaileak. Testu horretan, Genevako hiru kontu, gutxienez, eta Lombard Odier bankuko kontuak aipatzen ditu epaileak.
Suitzako kontuetan 38 milioi euro izatera iritsi zen Barcenas.
Epaileak hainbat agiri eskatu dizkio PPri
Pablo Ruzek, halaber, 2004tik 2012ra bitartean PP barruan izandako ordezkaritza gastuen kontuak eskatu dizkio Alderdi Popularrari. Horrekin batera, Galiziako, Kantabriako, Errioxako, Kataluniako, Malagako eta Sevillako PPko egoitzetan 1997 eta 2007 bitartean izandako kontabilitatea eskatu dio epaileak alderdiari.
Bestalde, 1990etik 2005era PPk jasotako diruaren eta egindako ordainketen berri eskatu dio Ogasun Agentziari Ruzek, eta 2007an eta 2008an PPk aurkeztu zituen sozietateen gaineko zergen aitorpenak ere eskatu dizkio.
Idatzian, gainera, 2001etik 2008ra bitartean PPren Genova kaleko egoitzan sartu zirenen erregistroa ere eskatu du epaileak.
Ordezkaritza gastuen eta egoitzako sarreren inguruan Ruz epaileak egindako eskaerak bete egingo dituztela adierazi dute Alderdi Popularreko iturriek.
Zure interesekoa izan daiteke
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.