Rosa Diez: 'Euskadik ez du kupoagatik ezer ordaintzen'

Rosa Diez UPyD alderdiaren bozeramaileak esan du, Bilbon egindako ekitaldi batean, Euskadik ez duela "ezer" ordaintzen Estatuak onartu ez dituen eskumenengatik, kupoak ezartzen duenez.

Ekitaldian, Diezek gogorarazi egin du EAEk Estatuaren eskumenen % 6,24 ordaindu behar duela, esaterako, Defentsa, Kanpo Arazoetarako eta Erregeen Etxearen eskumenengatik.

"Oraintxe bertan kupoa zerokoa da, zenbait arrazoi direla eta -fiskalitatea egokitu izana, adibidez- ez dugu ezer ordaintzen. % 6,24tik ezer ez; asko jota 0 eta % 0,5 artean", UPYDren agintari eta sortzailearen esanetan.

Eusko Jaurlaritzak aurtengo aurrekontuetarako 860,4 milioi euroko kupoa ezarri zuen -babes ezagatik baztertu ziren aurrekontuak-, baina Estatuaren Aurrekontu Orokorretan 812,15 milioikoa dela agertzen da, 48 milioi gehiago.