45 urteko kartzela-zigorra, Puelles hil zuten ETAko hiru kideei
Auzitegi Nazionaleko Zigor Aretoko hirugarren sekzioak 45na urteko kartzela-zigorra ezarri die 2009ko ekainaren 19an, Arrigorriagan (Bizkaia), Eduardo Puelles poliziaburua hil zuten ETAko hiru kideei.
Puelles hil zuen "Otazua" taldea osatzen zuten ETAko kideak Daniel Pastor, Iñigo Zapirain eta Beatriz Etxebarria dira, eta 300.000 euroko kalte-ordaina eman beharko diote alargunari eta 150.000 euro bi semeetako bakoitzari. Halaber, debekatu egin die Bilbon bizitzea, eta Puellesen alargunarengandik edo semeengandik 300 metro baino gertuago egotea, zigorra bete eta 10 urteko epean.
Fiskalak eskatu bezala, 45 urteko zigorra ezarri diete: 30 urteko zigorra hilketa terroristagatik eta beste 15 urtekoa hondamen terrorista eragiteagatik. Zigorra ezartzerako orduan Kode Penalak jasotzen duen 40 urteko muga hartu du epaitegiak kontuan.
Epaitegiak frogatutzat jo du akusatuak 2006tik ETAko ''Otazua'' taldeko kide zirela, eta Bilboko Indautxu auzoko polizia-etxeko agente baten kontra atentatua egiteko asmoa zutela.
Epaiaren arabera, bi kilo kloratita eta 200 gramo pentrita zituen lehergailua jarri zuten ETAko hiru kideek 2009ko ekainaren 18tik 19rako goizaldean.
Idatziaren arabera, Etxebarriak gidatu zuen ETAko hiru kideen autoa Puellesen ibilgailua zegoen tokira, eta, Zapirainek eta Pastorrek lehergailua autoaren azpialdean jartzen zuten bitartean, Etxebarria bera zelatan geratu zen.
Hurrengo goizean, ekainaren 19an, 09:05ean, Puellesek martxan jarri zuen autoa, eta, orduan, ''heriotza ekarri zioten lesioak eragin zituen eztanda'' izan zen.
Auzitegiak baztertu egin ditu atxiloketaren ondoren akusatuek salatutako tratu txarrak, eta, besteak beste, aintzat hartu ditu horietako bik Poliziaren egoitzan egindako adierazpenak.
Josu Puelles: "Espetxealdia murrizteko maniobra politikorik ez izatea espero dut"
ETAko hiru kideek zigorra bere osotasunean betetzea nahi du Josu Puelles biktimaren anaiak. Espetxealdia murrizteko "maniobra politikoetatik" etekinik ez ateratzea espero du Puellesek.
Puelles zigorrarekin pozik azaldu da. "Printzipioz, senitartekoen itxaropenak bete ditu epaiak", esan du. "Orain geratzen dena, benetan zigor osoa betetzea da", erantsi du hildako poliziaren anaiak.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.