Rajoy abuztuaren 1ean agertuko da Kongresuan
Mariano Rajoy Espainiako Gobernuko presidentea abuztuaren 1ean agertuko da Kongresuan, egoera politiko eta ekonomikoari buruz hitz egiteko. Horrekin batera, Barcenas auziari buruz ere arituko da, goizeko bederatzietatik aurrera, Jesus Posada Beheko Ganberako presidenteak baieztatu duenez.
Posadak gogora ekarri duenez, osoko bilkura Senatuan egin beharko dute, Kongresua obretan baitago.
Agerraldiaren formatua presidenteak Europako Kontseiluaren bileren ondorioak azaltzeko egiten dituenetakoa bezalakoa izango da: gobernuburuak hitz egingo du, oposizioko taldeek erantzungo diote, presidenteak bigarren txanda izango du, bozeramaileek berriz erantzungo dute eta Rajoyk azken erantzuna emango du.
Formatu horrekin, litekeena da eztabaidak goiz osoa irautea. Rajoyk hartzen duen denboraren araberakoa izango da iraupen hori, bere txandek ez baitute denbora mugarik.
Gobernuak egoera politiko eta ekonomikoari buruz hitz egiteko agerraldia egitea eskatu zuen atzo, eta Barcenas auziari buruzko bere bertsioa ere azalduko du Rajoyk agerraldian.
Zure interesekoa izan daiteke
"Gogoak batzeko" deia egin du Sarek presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
Zapateroren bi alabek ikertu gisa deklaratuko dute azaroaren 30ean, Plus Ultra auziagatik
