Gorenak artxibatu egin du Barcinaren CANeko dieten auzia
Auzitegi Gorenak artxibatu egin du Yolanda Barcina Nafarroako Gobernuko presidentearen kontra, Nafarroako Kutxan (CAN) jasotako dieta bikoitz eta hirukoitzengatik, abiatutako auzia, gertakariak "ez direlako delitu".
Auziaren epaileak inputatu gisa deklarazioa hartzeko eta auzibideren bat ireki behar ote zen aztertzeko eskatu zion Gorenari.
Orain, Gorenak deliturik ez dagoela erabaki du, eta Barcinari dagokion kausa artxibatu du.
Auzitegi Gorenaren ebazpenak bat egiten du Fiskaltzaren txostenarekin, ez baitzuen deliturik ikusten. Kontuz! Elkartearen eta UPyDren akusazioek, ordea, ikerketak Iruñeko epaitegian jarraitzea nahi zuten.
Maria Paz Benito da auzia Iruñean ikertzen ari dena, eta, ekainaren 4ean argitaratutako auto batean, "ezinbesteko"tzat jo zuen Auzitegi Gorenak Barcina funtzionarioak erosteagatik inputatzea, foruduna delako eta Gorenaren eskumena izango litzatekeelako inputazioa.
Aipatu auto horretan, epaileak Nafarroako Kutxaren Erakunde Sortzaileen Batzorde Iraunkorrak araudirik ez zuela salatzen zuen. Batzorde horretan Miguel Sanz Nafarroa presidente ohia, Alvaro Miranda kontseilari ohia, Enrique Maya Iruñeko alkatea (hiruak daude inputatuta) eta Barcina zeuden, eta neurrigabeko dietak jaso zituzten.
Batzorde horrek bi saio eratzaile egiten zituen egun berean, eta horietako bakoitzagatik 2.680 euro jasotzen zituen presidenteak eta 1.717 gainerako kideek. Gainera, diru hori ez zen inon dieta gisa deklaratzen, eta ez zitzaion Espainiako Bankuari horien berri eman. Hori dela eta, "kontrol eta fiskalizazio oro saihesten zuten", Benito epailearen arabera.
Orain, Gorenak kontra egin dio epaileari eta ez du deliturik ikusten Barcinaren jardunean, nahiz eta salaketa "morala, etikoa eta politikoa" egitea merezi dezaketela aitortu.
Barcinak "aipatu batzordean duen partehartzea eta jasotako dietak ez dira, zuzenean, Nafarroako presidente edo alkate zelako, baizik eta Erakunde Sortzaileen Batzordeko kide zelako", Gorenak gaurko autoan azaldu duenez.
Gainera, Auzitegiak zalantzan jarri du okerreko etekinak, dohaintzak edo opariak ote diren, kargu jakin batengatik jasotzen dituelako, ez erakunde edo pertsona batengandik zuzenean.
Hori dela eta, Gorenak artxibatu egin du auzia eta kargu guztietatik libre utzi du.
Barcina bere zintzotasuna aldarrikatu du
Erabakiarekin pozik azaldu da Yolanda Barcina Nafarroako presidentea, eta bere zintzotasuna aldarrikatu du. Oposizioak, ostera, Barcinaren dimisioa eskatu du berriro, eta haren portaera etiko eta politikoa salatu du.
Barcina Tuterako jaien hasieran izan da gaur. Nafarroako presideneta pozik agertu da auzitegiaren erabakiarekin. Epaiketa egin barik "zigortu dutenek oso leku txarrean" geratu direla adierazi du Barcinak.
"UPN pertsona zintzoen alderdi bat dela agerian geratu da gaur berriro", azpimarratu du presidenteak.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.