Cospedal deklaratzera deitu du Ruz epaileak
Pablo Ruz epaileak Maria Dolores de Cospedal PPko idazkari nagusia eta Javier Arenas eta Francisco Alvarez-Cascos idazkari ohiak deitu ditu alderdian izandako ardurengatik deklaratzera, abuztuaren 13a eta 14a bitartean.
Abuztuaren 14an deklaratu beharko du Cospedalek, eta aurreko egunean Alvarez-Cascosek eta Arenasek.
Cospedalek eta Arenasek beren bulegoetan deklaratzeko aukera dute, baina, PPko iturriek iragarri dutenez, aukera horri uko egingo diote eta biak joango dira Auzitegi Nazionalera deklaratzera.
Ruz epailearen ustez "egokiak, baliagarriak eta beharrezkoak" dira hiru lekukotza horiek, ustezko B kontabilitatearekin horietako bakoitzak idazkaritza nagusiaren kargu zirenean bakoitzak izandako ardurak argitzeko.
Alvarez-Cascos eta Arenasen kasuan, instrukzioaren helburutik kanpo gelditzen badira ere, haiek deklaratzera deitu ditu "inkongruentzian ez erortzeko", egun Cospedalek duen kargu bera bete baitzuten biek ere.
Auto horretan ere, epaileak PPko kutxaren langile bat eta Barcenasen ostean lanean aritu den gerentea ere deitu ditu. Epaileak "Barcenesen agirietan" agertzen diren hainbat enpresari ere dokumentazioa eskatu die.
Cospedal, ''pozik''
Maria Dolores de Cospedal, bestalde, ''pozik'' agertu da Justiziarekin kolaboratzeko aukeraren aurrean, eta epaileari ''egia'' esango diola eta ''esaten ari diren gezur eta kalumnia guztiei'' erantzungo diela aurreratu du.
Barcenasen ondasunak bahitu ditu epaileak
Bestalde, Luis Barcenas PPko diruzain ohiak Espainian dituen hainbat kontu eta higiezin bahitzeko agindua eman du Pablo Ruz epaileak. Izan ere, 43,2 milioi euroko berme zibila ordain zezan epaileak ezarritako epea bukatu zaio Barcenasi.
Zehazki hainbat etxebizitza eta garaje bahiketa agindu du epaileak, besteak beste Madrilgo Principe de Vergara kaleko etxebizitza, Peñagrande auzoko etxebizitza, Lleidako etxea eta bi garaje.
Elkarretaratzea Puerta del Solen
Ehunka lagunek Gobernuaren dimisioa eskatu dute Puerta del Solen (Madril), arratsaldean. Barcenas auzia bertan behera uzteko "mugimendu susmagarriak" salatu dituzte elkarretaratzean.
Argazkia: EFE
Izquierda Unidak (IU) eta beste erakunde batzuek deitu dute protesta. Manifestariek Gobernuari eta Alderdi Popularrari "azalpenak" eskatu dizkiete.
Zure interesekoa izan daiteke
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.