Bilboko Udalak txupineraren aldeko alegazioa aurkeztu du
Bilboko Udalak dagoeneko aurkeztu du Jone Artola Bilboko Aste Nagusiko txupinera ez izateko aginduaren aurkako alegazioa, Bizkaiko hiriburuko auzitegi batek Carlos Urquijo Gobernuko EAEko ordezkariak ezarritako errekurtsoa onartu ostean.
Bilboko Udalak epaitegian aurkeztu du helegitea, ebazpena errekurritzeko hiru eguneko epearen amaieran, Itziar Urtasun jaietako Udaleko arduradunak baieztatu duenez. Horrez gain, aste honetan, asteazkenean ziurrenik, Jai Batzordeak batzar berri bat egingo du egoera berriaz hitz egiteko.
"Aste Nagusi baketsua" defendatu du Udalak, eta txupineraren izendapena debekatzea "beste zangotrabaketa bat" dela adierazi du.
Behin betiko debekua baieztatzen bada, ebazpena Jai Batzordean planteatuko da eta erabaki bat hartuko dute. Edozein kasutan, eta Aste Nagusiaren hasiera hain hurbil izanda, erabakia "ahalik eta arinen" kaleratuko dela espero du Urtasunek.
Aitziber Ibaibarriaga Bilduko bozeramailearen hitzetan, Gobernuko ordezkariaren "esku-sartzea guztiz onartezina" da. Zentzu horretan, Bilboko Udala "okertu" egin dela adierazi du Dignidad y Justicia elkarteak, "ETA goratzen dutenen izuarekin bat egin duelako".
Konpartsek Artola berretsi dute
2013ko Aste Nagusiko txupinera izateko Jone Artolaren izendapena berretsi dute Bilboko Konpartsek, "izendapena atzera botatzeko oinarri juridiko eta judizialik ez dagoelako". Halaber, "Aste Nagusiko ikono guztientzat errespetua" eskatu dute konpartsek.
Horren harira, Bilboko jaietako konpartsek elkarretaratzea egin dute eguerdian Jone Artola txupinerari babesa adierazteko. Konpartsak "Txupinera aurrera, zaindu maite dozuna" lelopean elkartu dira, 12:00etan, Arriaga plazan.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.