Galdeketa 2014rako aurreikusita dagoela gogorarazi dio ERCk Masi
Kataluniako autodeterminazioaren inguruko galdeketa ''bai edo bai'' 2014an egin behar dutela gogorarazi dio ostegun honetan Esquerra Republicana de Catalunyak (ERC) Artur Masi, Generalitateko presidenteak gaur bertan egindako adierazpenen ondoren. Izan ere, Estatuak autodeterminazioaren kontsulta baimendu ezean, 2016an plebiszitu-hauteskundeak deituko dituztela aurreratu du presidenteak.
Lluís Salvadó ERCko idazkari nagusiaren albokoak azpimarratu duenez, ez da garaia 2014tik aurrerakoaz hitz egiteko: ''Ez dauzkagu 2015tik eta 2016tik aurrera egingo duguna erabakitzeko beharrezko aldagaiak'', esan du.
Halaber, Alfred Bosch ERCk Kongresuan duen bozeramaileak aurreratu bere alderdia ''eskura'' duen guztia ''eta zertxobait gehiago'' egingo duela galdeketa 2014an egin dadin.
Radio Euskadiko ''Ganbara'' saion egin duen elkarrizketa, Boschek esan du 2014ko datak ez duela zertan aldatu. ''Idatzita dagoena idatzita dago. Eta sinatutakoa ere sinatuta dago. Orain arte hori guztia betetzen ari da'', gaineratu du. ''Herritarrek hauteskundeetan emandako agindu bati erantzuna dela uste dugu, eta ez dugu inongo zalantzarik agindu hain garrantzitsu bat bete gabe uzterik ez dagoenik'', esan du.
Ez dute ituna apurtzea aintzat hartzen
Desadostasunak desadostasun, ERCk azpimarratu du CiU-ERC legegintzaldi ituna ez dagoela arriskuan: ''Ez gaude, inondik inora ere, harreman krisi batean. Ituna osasuntsu dago'', esan du Salvadók.
Halaber, 2014ko Aurrekontuen negoziazioa subiranotasun prozesutik banandu du ERCk. ''Ez ditugu data eta galdera Aurrekontuetara lotzen'', gaineratu du Salvadók. ERCko kideak, baina, galdeketaren data eta galdera aurten itxi behar dituztela gogoratu du.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.