Patxi Lopezek EAJrekin sinatutako akordioaren 'jarraipena' egingo du
Bilduri ‘kantu foralak’ alde batera uzteko eta EAJk eta PSEk sinatutako itun fiskalaren inguruko kritikak “zehazteko” eskatu dio Patxi Lopez PSE-EEeko idazkari orokorrak. Itun horretako edukiak onartzen dituzten alderdiek edota eduki horiek negoziatu nahi dituztenek hitzarmenarekin bat egitea espero du Lopzek.
Radio Euskadiri eskainitako elkarrizketa batean, sozialistek eta jeltzaleek adostutako hitzarmenaren garrantzia goraipatu du Lopezek.
“Iruzurraren aurkako borroka indartzearekin, EAEko hiru Ogasunen artean plan amankomunak martxan jartzearekin edota herritar bakoitzak dagokiona ordaintzearekin ados ez daudela esan dezatela”, adierazi du Lopezek.
Horrez gain, sozialistek Bildurekin Gipuzkoan adostutako neurri gehienak EAJrekin sinatutako akordioan “jasota” daudela nabarmendu du.
PPren jarrera eta popularrek zergak jaisteko egindako proposamena ulertzen ez dituela adierazi du Patxi Lopezk. “Nola lortuko du Javier de Andres Arabako diputatu nagusiak egin beharreko politikak aurrera eramateko dirua? Ondo dago zergak jaistea eta gero beste norbaiti politika egiteko dirua eskatzea”, adierazi du.
Itunaren ‘jarraipena’ egingo du
PSE-EEko buruzagiak EAJrekin sinatutako akordioaren “jarraipena” egingo duela iragarri du. Horrez gain, sozialistek oposizioa egingo diote Jaurlaritzari, “baina ez errebantxa jarrera batetik”.
Oposizio “kritikoa” egingo dutela azpimarratu du, “alternatibak eta elkarrizketarako guneak proposatuz”.
Euskal Herriko autogobernuaren inguruan akordioak lortzeko prest agertu da Lopez, baina EAJri bere proposamenak zehazteko eskatu dio.
Indarrean dagoen Gernikako Estatutua abiapuntua izatea eskatuko dute sozialistek. Euskal Herriko independentziari buruz “adostutako galdeketa legala” egingo balitz arazorik ez lukeela izango gaineratu du.
San Mames Barria
Bestalde, San Mames Barriaren aurreneko partidara joateko gonbidapenik ez zuela jaso esan du Lopezek. “Ez ninduten gonbidatu, eta horrek harritu egin ninduen”, adierazi du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.