Saenz de Santamariarekin duten hartu-emana goraipatu du Euskadiko PPk
Soraya Saenz de Santamaria Gobernuko presidenteordearekin "harreman ona" dutela goraipatu du Euskadiko PPren zuzendaritzak Bilbon. Bestalde, Espainiako Gobernuak EAEko azpiegiturekin (Abiadura Handiko Trena) duen konpromisoa goretsi du Euskadiko PPk.
Saenz de Santamaria Euskadiko PPren zuzendaritzarekin bildu da Bilbon. Era berean, Arantza Quiroga PPko presidenteak parte hartu du. Bilera "oso positiboa" izan da, adierazi du Iñaki Oyarzabal Euskadiko PPren idazkari nagusiak.
"Hurbiltasunaren erakusgarria da eta Euskadiko PPren bitartekotza gaitasuna agerian uzten du, Quirogarekin izandako azken bileran Mariano Rajoyk berretsi zuen konpromisoa", azpimarratu du Oyarzabalek irailaren 4an Moncloa jauregian izandako bilerari erreferentzia eginez.
PPren bilera Bilbon. Argazkia: EFE
Gaurko hitzorduan batez ere ekonomia izan dute hizpide. Euskadin egin beharreko inbertsioak, kupoa eta susperraldi ekonomikoa mahai gainean izan dira. Bestalde, PPk gainerako alderdiekin dituen harremanak jorratu dituzte.
Oyarzabalek azaldu duenez, Gobernuak astelehenean aurkeztutako aurrekontuek "inbertsio estrategikoekin konpromisoa izango dute, adibidez, abiadura handiko trenaren lanekin; izan ere, 190 milioi jasoko dituzte obrek". "Aurrekontu zailak dira, baina Euskadi onik atera da", erantsi du.
Soraya Saenz de Santamaria Gobernuko presidenteordea eta Arantza Quiroga Euskadiko PPren presidentea. Argazkia: EFE
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.