EAJ: 'Parot doktrina baliogabetzea urrats erraldoia litzateke'
Estrasburgoko Epaitegiak 'Parot doktrina' baliogabetzea "gatazkaren konponbiderako urrats erraldoia" litzatekeela adierazi du gaur Andoni Ortuzar EAJko presidenteak.
Radio Euskadiri eskainitako elkarrizketan, Ortuzarrek esan du 'Parot doktrina'ren bitartez Espainiako Gobernuak "betiereko zigorra" ezarri zuela. "Izatez, Konstituzioaren ezkutuko erreforma bat da", esan du Ortuzarrek.
EAJko presidentearen iritziz, 'Parot doktrina'k ez du presoen gizarteratzea "laguntzen" eta ez dio elkarbizitzari onurarik ekarriko.
Horrenbestez, Espainiako Gobernuari bere espetxe politika aldatzeko eta ezker abertzaleari "aurrerapausoak" emateko eskatu die Ortuzarrek.
Itun fiskala
Bestalde, EAJren eta PSE-EEren arteko itun fiskala "arretaz irakurtzeko" eskatu dio EH Bilduri, "ondorio politikoak" kontuan hartu gabe akordio batera heltzeko. Halaber, erreforma fiskala bideratzeko, aste honetan bertan Gipuzkoako Batzar Nagusietan legez besteko proposamen bat aurkeztuko dutela iragarri du.
Ortuzarrek esan du "berri ona" dela PPk itun fiskalarekin bat egitea, "ona delako krisitik irten behar duen eta beste erronka batzuei aurre egin behar dien herri batek erakunde guztien egonkortasuna bermatuko duten eta denboran iraungo duten akordio zabalekin egitea".
Ortuzarren iritziz, EH Bilduk ere bat egiteko aukera izan du, PPk izan zuen "eskaintza bera eta aldi berean" izan zuelako. Horren harian, koalizio abertzaleak "EAJri aurre egiteko borroka estrategia bat" egin nahi izan duela esan du, baina PSE-EE "ezkerreko politikak eskuinekoen kontrako ardatzaren bazkide bezala desagertu zaionean, bere estrategia guztia erori zaio eta berriro kokatu behar du bere burua".
Zure interesekoa izan daiteke
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.
GKSk faxismoaren aurkako manifestazioak deitu ditu urtarrilaren 31rako Bilbon eta Iruñean
Bilbon egindako agerraldi publikoan, ohartarazi du "euskal nortasunaren izenean" faxismoa sortu dela Euskal Herrian, eta "sare sozialetan eta kaleetako hormetan agertzen" hasia dela, "mezu arrazista, supremazista eta matxistekin".
Osasun sailburuak "jarrera aldatzeko" eskatu dio Osasun ministroari, medikuen grebaren eta profesionalen faltaren aurrean
Alberto Martinez sailburua kezkatuta agertu da mediku eskasiari aurre egiteko neurririk hartzen ari ez direla iritzita, eta azalpenak eskatu ditu Esparru Estatutuan guardia medikoetarako proposatzen den antolaketa ereduari buruz.
PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
UCOk dokumentazioa eskatu du Correosen eta Ogasun zein Trantsizio Ekologikoko ministerioetan
Zehazki, kontratu eta dirulaguntzei buruzko dokumentazioa eskatu diete guardia zibilek, Leire Diezekin lotutako sarearen inguruko ikerketaren baitan. Prebarikazioa, ondasun publikoak bidegabe erabiltzea eta erakunde kriminal bateko kide izatea leporatzen diete. Ikerketa zabalik dago oraindik.
Arabako foru kabineteak eta Elkarrekin Podemos IUk negoziazioak areagotuko dituzte, akordio bat ixten saiatzeko
Arabako Batzar Nagusietako aurrekontu proposamena aurrera jarraitzea ahalbidetu du Elkarrekin Podemos IUk, koalizio horretako hiru prokuradoreen botoei esker. Zuzenketa partzialak astelehenean eta asteartean eztabaidatuko dira, eta behin betiko onarpenerako osoko bilkura hilaren 19an izango da.
EAJk eta PSE-EEk oposizioaren ekarpenak onartuko dituzte 2026ko EAEko aurrekontuetarako, bi milioi euroko balioarekin
Partida nagusia EH Bilduren proposamen batentzat izango da, sistema instituzionala modernizatzeko helburuarekin, milioi bat euroko zenbatekoarekin. Halaber, PPren ekarpen bat jasoko dute, belaunaldien arteko bizikidetza programa bat sortzeko, eta Sumarrek Euskaldendak ekimenaren inguruan egindako ekarpen bat, besteak beste.