Estrasburgok 'Parot doktrina' baliogabetzearen alde egingo du
Giza Eskubideen Europako Auzitegiak 'Parot doktrina' baliogabetzearen alde egingo du, Joaquin Gimenez Espainiako Auzitegi Goreneko 2. zenbakiko aretoko epaileak aurrez ikusi duenez.
Espainiako politikariak eta epaileak 'Parot doktrina' amaitu egingo dela onartzen hasi dira. Horren erakusle, Mariano Rajoyren Gobernuaren aldekoak diren bi egunkarik, La Razon-ek eta ABC-k, eta Ser irrati kateak gaur filtratu duten albistea: Estrasburgok doktrina hori baliogabetzea erabaki du, eta hurrengo egunetan jakinaraziko du.
Gimenez epailea bide beretik ibili da, bere ustez "erabakia hartuta" dagoela eta une honetan "epaia idazten" ari direla adierazi baitu, "Ganbara" Radio Euskadiko saioan egindako elkarrizketa batean.
Europako justiziaren erabakia irmoa eta behin betikoa izango da, eta espetxealdia luzatu zieten dozenaka preso aske geratzea ekarriko luke.
Erabaki horrekin, Estrasburgok berretsi egingo luke iaz Europako Auzitegiaren hirugarren aretoak hartutako erabakia. Orduan, epaileek zigortu egin zuten Espainia, 'Parot doktrina' "irregularra" dela argudiatuta. Rajoyren Gobernuak, baina, helegitea jarri zuen, eta hori da, hain zuzen ere, epaileak orain aztertzen ari direna.
'Parot doktrina'ren amaierak harrera ona izango luke euskal alderdi gehienen artean, bereziki ezker abertzalean, batik bat Herrira plataformaren aurkako polizia operazioaren ostean, tentsioa areagotu egin baita horren ondorioz.
Horren ildotik, doktrina horren amaiera ez dela "ezker abertzalearen garaipen gisa" hartu behar ohartarazi du Gimenezek. "Zuzenbide Estatuaren garaipena izango litzateke", gaineratu du.
'Parot doktrina' ezarri dieten presoei delitu larriak egotzi badizkiete ere, "gauzak txarto egin badira, onartu egin beharko da", Auzitegi Goreneko epailearen esanetan.
Gimenez 1998. urtean heldu zen Auzitegi Gorenera. Aldez aurretik, EAEko hainbat epaitegitan aritu zen, 18 urtez, eta ETAk hura bahitzea aztertu zuen.
Zure interesekoa izan daiteke
Gazako "genozidioaren" arduradunek kontuak emango dituztela esan dio Sanchezek Abbasi
Palestinako Aginte Nazionaleko presidenteak Espainia bisitatu du bigarren aldiz, Gobernuak Estatu gisa onartu ondoren.
Abalosek Kongresuko eskubideak galdu ditu eta ezin izango du kartzelatik bozkatu
Ministro ohi sozialistak ez du Gorteetatik ordainsari ekonomikorik jasoko.
Iriartek eta Echevestek ika-mika gogorra izan dute, Gipuzkoako aurrekontuak direla eta
Gipuzkoako Batzar Nagusietan EH Bilduk aurrekontuei aurkeztutako osoko zuzenketa atzera bota dute taldeek. Gaurko eztabaidan, Maddalen Iriarte EH Bilduko ordezkariak gogor kritikatu du Elkarrekin Podemosek EAJ eta PSE-EE alderdiekin itxitako akordioa, 2026ko kontuak babesteko. Miren Echevestek alderdi moreko eledunak, bere aldetik, koalizio subiranistak Madrilen eta Gipuzkoan jarrera ezberdinak dituela salatu du.
Pradalesen ustez, EH Bilduk "irmoki gaitzetsi" behar ditu Ernairen sabotajeak
Imanol Pradales lehendakariaren iritziz, "EH Bilduk ezin ditu eskuak garbitu" Ernaik, Sorturen gazte erakundeak, aldarrikatutako sabotajeei eta erasoei dagokienez. "Onartezina da Ernaik, Sorturen gazte erakundeak, alderdi baten egoitza baten aurkako erasoa publikoki aldarrikatzeko aukera ematea, eta alderdi horren zuzendaritzaren gaitzespenik ez izatea", hori baita, aldi berean, EH Bilduren "muina".
Jose Tomek dimisioa eman du Lugoko Diputazioko presidente gisa sexu-jazarpeneko salaketen ostean, baina alkate jarraituko du
Sozialistak ukatu egin ditu akusazioak, eta aurreratu du "ekintza judizialak" hasiko dituela, eta "alderdiarekiko maitasunagatik" eta "bere defentsa erraztu" ahal izateko utzi duela kargua.
Guardia Zibilak Leire Diez PSOEko militante ohia atxilotu du, kontratazio publikoetan izandako ustezko irregulartasunengatik
Diez ustezko influentzia-trafiko eta eroskeria delituengatik ikertu gisa agertzen da Madrilgo Instrukzioko 9 zenbakiko Epaitegiko titularrak zuzentzen duen auzi batean.
EAJk kezka handiz hartu du Euskadiko Auzitegi Nagusiak enplegu publikoaren legeaz Auzitegi Kostituzionalean kontsulta egitea
Maitane Ipiñazar EBBren idazkariak Euskadi Irratian esan du euskararen normalizazio legea bera ere zalantzan jartzen duela erabakiak.
Pradalesek 2025ean Estatutua betetzeko eskatu dio Sanchezi, eta ohartarazi du ez diotela "guztiari baietz esango"
"Dezibelioak igoko" ez dituztela eta "haserrearen espirala" elikatuko ez dutela adierazi ostean, lehendakariak zehaztu du urtarrilean Sanchezen Gobernuaren "benetako konpromiso politikoa" neurtuko dutela eta "aldebiko ebaluazioaren" unea iritsiko dela. "Gernikako Estatutua bere osotasunean betetzea ez da kapritxo bat. Betebehar bat da", gaineratu du Imanol Pradalesek.
Zupiriaren arabera, "agerikoa da" ezker abertzalearen espazioa "nola eratzen den" aztertzeko eztabaida politikoa dagoela
Alde batetik, sailburuaren arabera, "alderdi zibikoagoa" dago, EH Bilduk "Euskadi gobernatu nahi duen koalizio gisa" ordezkatzen duena, baina mundu horren barruan "Sortu eta Ernai ere badaude, jarduera politikoa eta herri mobilizazioa uztartu nahi dituztenak", eta "hori zilegi da, baina kontua da indarkeria erabiltzea justifikatzen den ala ez". "Dena batera ezin da", azpimarratu du.
Teresa Peramato Estatuko fiskal nagusi izendatu dute, Alvaro Garcia Ortizen ordez
Espainiako Aldizkari Ofizialak Garcia Ortizen kargugabetzea eta Peramatoren izendapena argitaratu ditu. Botere Judizialaren Kontseilu Nagusiaren babesa jaso eta Diputatuen Kongresuko Justizia Batzordearen agertu ondotik, Ministroen Kontseiluak Estatuko fiskal nagusi izendatu zuen atzo.