Jaurlaritza: 'PSEk lehentasuna izango du Aurrekontuen negoziazioan'
EAJk eta PSE-EEk sinatu berri duten itun fiskalaren ondorioz, 2014ko Aurrekontuak negoziatzerako orduan sozialistek “nolabaiteko lehentasuna” izango dutela esan du gaur Ricardo Gatzagaetxebarria Ogasun eta Finantza sailburuak. Hala ere, datorren urteko Aurrekontuak oraindik “itxi gabe” daudela nabarmendu du. Aurrekontuak Legebiltzarrean ordezkaritza duten alderdi guztiekin negoziatuko dituztela gaineratu du.
Euskadi Irratiari eskainitako elkarrizketan, Gatzagaetxebarriak adierazi du "egia" dela itun ekonomiko eta fiskala sozialistekin sinatu ondoren Jaurlaritzaren eta PSE-EEren artean "konfiantza giroa" sortu dela. "PSErekin dugun erlazioa estuagoa da orain", gaineratu du.
"Hori egia da, baina horrek ez du esan nahi dagoeneko Aurrekontuak PSE-EErekin adostuta izatea. Aurrekontuak aurkezten ditugunean hasiko da negoziatzeko epea, eta ez gara PSE-EErekin bakarrik eseriko; talde guztiekin negoziatuko ditugu", berretsi du.
Sailburuak azaldu duenez, EAJ-PSE itunak "konpromiso" batzuk ekarriko dizkio Eusko Jaurlaritzari. Hitzarmenak sozialistei nolabaiteko "lehentasuna" ematen diela esan du sailburuak, baina, era berean, PSE-EEk ere "betebehar batzuk" izango ditu; tartean, "erreforma fiskala aurrera eramatea".
Gatzagaetxebarriaren arabera, "normala da aurreneko erlazioak eurekin izatea, ekonomia berpizteko eta fiskalitatea aldatzeko hitzarmena eurekin daukagulako", eta datorren urteko Aurrekontuak 2013koak baino "handiagoak" izango direla aurreratu du.
Zure interesekoa izan daiteke
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.