EH Bilduk zentsura mozio bat adostea proposatu du Nafarroan
Nafarroako Gobernutik UPN kentzeko eta hauteskundeak deitzeko zentsura mozioa bultzatuko duela iragarri du EH Bilduk. Adierazi duenez, adostasuna bilatuko du PSN, Izquierda-Ezkerra eta Geroa Bai taldeekin.
Koalizio abertzaleak zentsura mozio bat adostu eta aurkezteko eta hori babestuko duen hautagaia adosteko prestutasuna agertu du. Helburua, "legeak ezarritako gutxieneko epean hauteskundeak deitzea" izango da. Beranduenez, otsailean egin ahalko lirateke hauteskundeak, Europako hauteskundeak baino lehen.
Adostasuna lortuz gero, koalizioa osatzen duten alderdiek aurkezten duten bigarren zentsura mozioa izango litzateke.
EH Bilduk dioenez, Yolanda Barcina presidenteak Gobernua desegin eta hauteskundeak deitzeko ezezkoak, "herritarren eta parlamentuaren eskaeraren gainetik", irtenbide bakarra uzten du "hauteskundeen bidez herritarrei hitza itzuli ahal izateko".
Prentsaurrekoan eman du horren berri koalizioak. Ondorengoek parte hartu dute: Patxi Zabaleta (Aralar), Miren Aranoa (EA), Maiorga Ramirez (EA), Consuelo de Goñi (Aralar), Bakartxo Ruiz (Bildu Nafarroa) eta Txelui Moreno (ezker abertzalea).
Gutxiengoan dagoen Gobernua
EH Bilduren aburuz, Foru Komunitatearen egoerari buruzko eztabaidan "argi gelditu zen gobernua gutxiengoan dagoela, ideiarik gabe, gutxieneko diskurtso koherente bat egiteko gaitasunik gabe". "Gobernuak burbuila batean jarraitzen du, gizarteak dituen arazoei konponbideak emateko gaitasunik gabe", gaineratu du." Hauteskundeak deitzeko eskaerari UPNk eman dion erantzuna boterera lotzea izan da, modu arduragabean, eta Parlamentuak eta herritarrek exigitzen duten aldaketari entzungor eginez", esan du.
Koalizioak azpimarratu du oposizioa osatzen duten indar progresista eta ezkertiarren ardura dela hitzetik ekintzetara igarotzea. "Interes alderdikoiak eta oportunistak alde batera utzi behar dira eta elkarrizketa prozesu bat hasi behar da adostasuna lortu ahal izateko eta hitza Nafarroako gizarteari emateko", adierazi du.
"Desberdintasun progmatiko eta ideologiko asko izan ditzakegu, baina Nafarroak bizi duen krisi instituzional, ekonomiko eta politikoak arduraz jokatzera behartzen gaitu", amaitu du.
Zure interesekoa izan daiteke
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.