'Diru gehiago izango da Hezkuntzan, Osasunean eta Babes Sozialean'
2014ko Aurrekontuetan, Hezkuntza, Osasuna eta Babes Soziala "aurrekontu handiagoa" izango duten lehen sailak izango direla iragarri du Iñigo Urkullu lehendakariak.
EAJren zuzendaritza Bilbon bildu da larunbat honetan, 2014ko "erronken" inguruan hitz egiteko, hauteskunde autonomikoak irabazi zituztenetik urte bat betetzear denean.
Urkulluk iragarri duenez, Jaurlaritzak urriaren 29an onartuko du aurrekontuen proiektua, eta egun horretan bertan Legebiltzarrari helaraziko dio.
Lehendakariaren arabera, aurten "aurrekontu zorrotzak eta finkapen fiskala" ezarri ostean, 2014ra begira egoerak "itxura hobea" du eta urtea bukatu baino lehen "lanpostuak sortzeko bidean izango gara, ziurrenik".
ETAri buruz: "Ez dago atzera bueltan egoteko arriskurik"
Bestalde, eta bake prozesuak bizi duen "blokeo egoera"ri dagokionez, ETAk indarkeria uzteko bere erabakian "atzera egiteko" arriskurik ez dagoela esan du Iñigo Urkulluk. Hala ere, ETAri armak emateko prozesua hasteko eskaera egin dio.
Lehendakariaren ustez, "gizarteak presioa egiten du" atzera pausorik ez egoteko, nahiz eta presio hori "agerikoa ez izan". Presio horrek "eragin zuzena du ezker abertzaleak politikarekin eta erakundeekin egindako konpromisoan", azpimarratu du.
Hala ere, bake prozesuan aurrerapausorik eman ez dela onartu du lehendakariak: "duela bi urte itxaropen handiak sortu ziren eta orain prozesua blokeatuta dago". Baina Urkulluk ez du zehaztu prozesu horretako lehen pausoa nork eman behar duen; ETAri eta Gobernuari neurriak hartzeko eskatu die.
Estatus politiko berria
Estatus politiko berriari dagokionez, lehendakariak ez dio "inola ere" uko egiten 2015. urtean galdeketa egiteari.
Ildo beretik, eta Kataluniako aldebakarreko adierazpenen aurrean, Urkulluk "autogobernuaren bidean pausoz pauso" joatearen alde egin du "ahalik eta subiranotasun handiena lortu arte".
Albiste gehiago politika
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".