Abian dago aske gelditzen diren presoen biktimei laguntzeko zerbitzua
Espainiako Barne Ministerioak gaurtik aurrera zerbitzu berri bat jarriko du martxan, aske gelditzen diren presoen biktimei laguntzeko. Gizarte langileen taldeak osatu dituzte, Ines del Rioren edota datozen egunetan aske geldituko diren presoen biktimei arreta eskaintzeko.
COPE irrati kateari eskainitako elkarrizketan eman du Jorge Fernandez Diaz Espainiako Gobernuko Barne ministroak egitasmo berezi horren berri. Ministroak adierazi duenez, Gobernuak ez ditu terrorismoaren apologia egiten duten eta biktimak umiliatzen dituzten ekitaldiak baimenduko.
Espainiako Gobernuak biktimen alboan jarraitzen du, eta hori argi erakusten dute egunotan Mariano Rajoy eta Barne ministroa bera biktimen elkarteekin egiten ari diren bilerek, Fernandez Diezen arabera.
"Batzuetan Zuzenbidea Justiziatik urrun dago; hala ere, Europako Giza Eskubideen Auzitegiaren erabakia ez da ETAren garaipena, ETA aspaldidanik garaituta dago eta", adierazi du Jorge Fernandez Diezek.
Presoak kartzelatik ateratzen ikusteak eragindako minari horien omenez egingo diren ekitaldietan terrorismoari egingo zaion gorazarrea gehitu behar zaio, biktimen esanetan.
Batzuetan, presoak gerrako heroi gisa itzultzen dira, Fernandez Diezen hitzetan. "Gisa horretako egoerak saihesteko, Guardia Zibilak Herrirarekin lotutako 18 lagun atxilotu zituen", gaineratu du. Halaber, Espainiako Gobernuak ETArekin ez duela negoziatuko nabarmendu du beste behin ere.
Ines del Rioren aldeko epaiak beste kasuetan izango duen eraginaz galdetuta, zigorrak ezarri zituzten auzitegien konpetentzia dela adierazi du. Dena dela, "egon badago maniobrarako tarterik, eta aginduak betearazteko modu eta denbora ezberdinak daude".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.