Auzitegi bakoitzak aplikatuko du Estrasburgoren epaia
Auzitegi Goreneko bigarren aretoak hartu du erabakia, eta, azkenean, probintzia auzitegien eta Auzitegia Nazionalaren (ebazpenak ematen dituzten epaitegiak) esku utziko du Estrasburgoko Giza Eskubideen Auzitegiak 'Parot doktrina'ren inguruan hartu zuen erabakia aplikatzea, bai ETAko dozenaka presoen kasuan, bai eragiten dien gaizkile batzuen kasuen.
Zigor Aretoaren erabakia Estrasburgoko Giza Eskubideen Auzitegiak Ines del Rio ETAko presoaren kasuan 'Parot doktrina'ren kontra jo ostean iritsi da.
'Parot doktrina' presoei kartzela-zigorra luzatzeko modu bat zen, baina orain behin betiko amaitutzat ematen da doktrinaren aplikazioa preso ia guztien kasuan.
ETAko presoen kasuan, Auzitegi Nazionala izango da Estrasburgoren ebazpena aplikatuko duena, eta besteen kasuan, probintzia auzitegiak izango dira arduradunak.
Miguel Colmenerok proposatutako erabakiak Zigor arloko Salako hamasei kidetako 12ren babesa jaso du gaur, eta Auzitegi Nazionalak ETAko bederatzi preso askatzeko hartu zuen erabakia berresten du.
Plenoak hartutako erabakiaren arabera, "Estrasburgoko Giza Eskubideen Auzitegiaren ebazpenaren ostean, 2006ko otsailaren 28a baino lehen ezarritako zigorren kasuan, onurak" 30 urteko gehienezko kartzela-zigorra aintzat hartuta egingo dira.
Hau da, puntu horretan, bertan behera geratzen da 'Parot doktrina' ETAko presoen gehiengoarentzat, zigorrak doktrina sortu aurreko araudiaren arabera aplikatuko direlako.
Helegitea
Hori horrela, doktrina aplikatu duen auzitegiari dagokio orain presoak askatu ala ez erabakitzea, eta aldeek helegitea jartzeko aukera izango dute.
Helegite horiek Auzitegi Gorenak aztertuko ditu, eta orduan bakarrik esku hartuko du Auzitegi Gorenak, helegiteak dauden kasuetan. Dagoeneko bost helegite ditu eskuartean, eta datorren astean aztertuko ditu.
Epaileek kargu hartu diote Kongresuari
Bestalde, Auzitegi Goreneko zigor aretoak kargu hartu dio Espainiako Kongresuari, oraindik ez duelako arautu Estrasburgoko Giza Eskubideen Auzitegiaren ebazpenak nola aplikatu behar diren.
Hori horrela, auzitegiarentzat "beharrezkoa da botere legegileak argitasun osoz eta zehazki arautzea Estrasburgoko Giza Eskubideen Auzitegiaren ebazpenak hemen hartu behar duen bide judiziala zein den".
Albiste gehiago politika
Imanol Pradales Eneko Andueza PSE-EEren idazkari nagusiarekin bildu da
Imanol Pradales lehendakaria Eneko Andueza PSE-EEren idazkari nagusiarekin bildu da gaur arratsaldean, Lehendakaritzan, EAEko alderdiekin egiten ari den bilera-sortaren baitan.
Israeli armak salerostea eta genozidioan parte hartzen dutenei Espainian sartzea legez debekatuko du Sanchezek
Moncloan egindako galderarik gabeko adierazpenean salatu duenez, Israel Gazako Zerrendan egiten ari dena, 2023ko urriaren 7ko "Hamasen atentatu ankerren" erantzun gisa hasi zena, "ez da inoren burua defendatzea, ez da erasotzea ere, babesik gabe dagoen herri oso bat akabatzea da, Zuzenbide Humanitarioaren lege guztiak haustea da".
Ubarretxena: "Urtea amaitu baino lehen Gernikako Estatutua betetzeko eginkizuna dugu, eta Jaurlaritza horretan buru-belarri ari da"
Maria Ubarretxena Eusko Jaurlaritzaren bozeramailea ETB1eko Egun On saioan izan da eta, besteak beste, Madrilen izango dituen bileren gainean galdetu diote.
PSOEren aurkako pintadak agertu dira Eibarko txosna sozialistan
Honako hauek dira agertutako mezuak: "PSOE = GAL", "PSOE, Euskal Herri langilearen etsai", "Andueza tontolaba" eta "Independentzia Sozialismoa".
Israelek "Sanchezen Gobernu ustelari" leporatu dio "antisemita" izatea, eta herrialdera sartzea debekatu die Yolanda Diazi eta Sira Regori
Gideon Sa'ar Israelgo Atzerri ministroak antisemitismotzat jo ditu Pedro Sanchez presidenteak astelehen honetan iragarritako neurriak, eta leporatu dio Espainiako Gobernua zipriztintzen duten ustelkeria kasuen aurrean arreta desbideratu nahi izatea.
Pradalesek bilera-sortari berrekin eta PSE-EE hartuko du gaur
Lehendakariak gaur arratsaldean, 16:00etan, jarraituko du euskal talde parlamentarioekin egiten ari diren bilera-sortarekin. Helburua elkarrizketa politikoa indartzea eta euskal agenda blindatzea da, egungo ziurgabetasunaren aurrean.
Sumarrek LGS propioa eta etxebizitza publiko gehiago eskatuz hasi du urte politikoa, "agortutako eredua" aldatzeko
Alba Garcia idazkari nagusiak hainbat proposamen egin ditu; horien artean, etxebizitza-parke sendoa, gutxieneko soldata propioa eta oinarrizko errenta unibertsala.
Kortajarena: “Etxebizitzaren arazoak irtenbide publiko eta estrukturala eskatzen du, eta EH Bilduren lehentasuna hori eskaintzea izango da”
Nerea Kortajarena EH Bilduko legebiltzarkideak esan du legegintzaldi honetan EH Bilduren "lehentasun nagusietako bat" erakunde guztietan "erantzunak ematea" izango dela, agintea duten udalerrietan bereziki.
Bayrouren astelehen honetako konfiantza-galdeak Frantziako krisi politikoa areagotuko du
Oposizioak hauteskundeak deitzeko eskatu du, Bayrouk galdu egingo duelakoan, eta ezkerrak iragarri du Macron kargugabetzeko mozioa sustatuko duela.
