Inputazioak 'eskasak' direla uste du Iñigo Cabacas Plataformak
Iñigo Cabacas Plataformaren iritzian, "eskasak" dira Bilboko instrukzioko 10. epaitegiak Athleticeko zale horren heriotzaren auzian egindako inputazioak (hiru ertzain eta ertzainburu bat inputatu ditu epaileak).
Horren ildotik, plataformak Miguel Buen Herrizaingo sailburuorde ohia, Jose Antonio Varela Ertzaintzako zuzendari ohia eta "Ugarteko", "baliabide guztiekin oldartzea" agindu zuen ertzainburua, ere inputatzeko eskatu dute.
Iñigo Cabacas iazko apirilean hil zen, Ertzaintzaren pilotakada batek jota.
Bilbon eskainitako prentsaurreko batean, Vania San Martin eta Iker Hernandez plataformako bozeramaileek operazioan parte hartu zuten gainerako ertzainekin "zer" gertatuko den galdetu dute. Izan ere, lekukoen arabera, "bereizketarik egin gabe" tiro egiten hasi zirela gogorarazi dute.
Iñigo Cabacas Plataformak Ertzaintzako buruei "babesa" agertu zieten eta karguetan mantendu zituzten agintarien aurka egin du, eta horien helburua "argazkian agertzea" baino ez dela deitoratu dute.
Halaber, Kataluniako Parlamentuak Esquadra Mossoekin egin bezala, Ertzaintzari gomazko pilotak erabiltzea debekatzea eskatu diete Eusko Legebiltzarrean dauden alderdiei.
EAEko Poliziaren kasuan, istiluen aurkako material horren erabilera "mugatu" baino ez dutela egin ohartarazi dute. "Beste heriotza bat behar al da Ertzaintzak pilotak utz ditzan?", galdegin dute.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
AEBk ostegunean berriro erreklamatu zuen NATOko herrialde guztiek, Espainiak barne, % 5 bidera dezaten defentsara, Pedro Sanchez Espainiako Gobernuko presidenteak NATOri jakinarazi ostean ez zuela defentsa gastua horraino igotzeko konpromisorik hartuko.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".