Legebiltzarrak errefusatu egin du Iñigo Cabacasen heriotza ikertzea
Eusko Legebiltzarrak ez du ikerketa batzorde bat sortuko Iñigo Cabacasen heriotza argitzeko, EH Bilduk baino ez baitu bozkatu alde.
EAJk, PSE-EEk, PPk eta UPyDk aurka egin dute, batzordea sortzea ez dela "beharrezkoa" argudiatuta. Horren ildotik, Bilboko epaitegi bat auzia ikertzen ari dela gogorarazi dute, eta EH Bilduren helburua Ertzaintzari "zilegitasuna kentzea" dela nabarmendu dute.
Iñigo Cabacas iazko apirilaren 9an hil zen, Ertzaintzaren pilotakada batek jota.
Taldeen adierazpenak
Julen Arzuaga EH Bilduko legebiltzarkidearen ustez, Gasteizko Ganberak erantzukizun politikoak ikertzen ez baditu, "ez dute beste inon egingo". Horrenbestez, horren esanetan, ikerketa judiziala eta parlamentarioa bateragarriak dira.
EAJren aldetik, ikerketa batzordea eratzeak ez duela gertatutakoa "argitzen" lagunduko esan du Iñigo Iturratek, ikerketa ez litzatekeelako epaileena bezain "objektiboa" izango. "Interes alderdikoiek baldintzatuko lukete", gaineratu du.
Mikel Unzalu sozialistak zalantzan jarri du koalizio abertzaleak "egia" nahi ote duen, eta batzordea sortzeko proposamena lehenago aurkeztu ez izana deitoratu du.
Azkenik, Gorka Maneirok (UPyD) baztertu egin du Ertzaintzak gaiztakeriaz jokatu izana, eta Iñigo Cabacasen heriotza "zorte txarraren ondorio" izan zela iritzi dio.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".